Саина Титова хаартыската, ЯСИА
Саха сириттэн РФ сенатора Егор Борисов Өрөспүүбүлүкэтээҕи харах балыыһатыгар эпэрээссийэлэннэ. Быраастар уустук катарактаны эмтээтилэр. Эпэрээссийэ этэҥҥэ ааспытын, Егор Борисов офтальмологтар идэтийиилэрин уонна балыыһа хааччыллыытын хайҕаабытын туһунан ЯСИА суруйар.
Егор Афанасьевичка бу балыыһаҕа иккис эпэрээссийэтин оҥордулар.
«Түөрт сыллааҕыта катаракта уҥа харахпын бүтүннүү сабан кэбиспитэ. Суһаллык эмтэнэ Москваҕа барарбар эппиттэрэ. Ол эрээри мин Саха сирин офтальмологтарыгар кэлбитим, киин Арассыыйаҕа үлэлиир кэллиэгэлэриттэн туох да уратылара суох буоллахтара. Катарактаны суох оҥорууга иккис эпэрээссийэбин бэҕэһээ, атырдьах ыйын 11 күнүгэр, оҥордулар. Бүгүн массыына уруулугар олорорго бэлэммин. Быраастарга махталым муҥура суох. Харах балыыһатыгар материальнай-тиэхиньиичэскэй бааза тупсубут, быраастар Дьокуускайга эрэ буолбакка, оройуоннарга эмиэ тиийэн көмөлөһөллөр», — диэн Егор Борисов этэр.
Кинини уопуттаах офтальмохирург-быраас Иннокентий Белолюбскай эпэрээссийэлээбит.
Новосибирскай уобаласка кулгаахтарынан кэһиллиилээх күрэсчиттэр ортолоругар көҥүл уонна греко-римскэй тустууга Арассыыйа Куубага түмүктэннэ. Саха сирин…
2517 ыал оҕо уһуйааннарыгар оҕону көрүүгэ-истиигэ төрөппүт төлөбүрүттэн босхолоннулар. Бу туһунан брифинг кэмигэр Саха Өрөспүүбүлүкэтин…
Өрөспүүбүлүкэ быйылгы сыллааҕы бүддьүөтүгэр улуус иһинээҕи көтөр аалынан сырыылары субсидиялыырга эбии 24,4 мөл. солкуобай көрүлүннэ.…
Бэнидиэнньиккэ, ахсынньы 8 күнүгэр, Хатас – Павловскай хайысханан Өлүөнэ өрүһү туоруур кыһыҥҥы суолга тырааныспарга көҥүл…
Өлүөхүмэ оройуонун борокуратуурата РФ Холуобунай кодексатын 111-с ыстатыйатын 4-кы чааһынан (соруйан доруобуйаҕа ыар эчэйиини оҥоруу,…
Бүгүн, ахсынньы 8 күнүгэр, СӨ Уопсастыбаннай балаататыгар «Доруобуйа харыстабылын эйгэтин үбүлээһин уонна социальнай мэктиэлэри хааччыйыы…