РФ сенатордарын, дьокутааттарын холбоһуктаах сайабылыанньалара (Норуот сомоҕолоһуутун күнүнэн)

«…. 2022 сыл балаҕан ыйыгар РФ састаабыгар 4 саҥа эрэгийиэн: Донецкай, Луганскай норуодунай өрөспүүбүлүкэлэр, Запорожье уонна Херсон уобаластара киирбиттэрэ.
Алтынньы 4 күнүгэр Арассыыйа бэрэсидьиэнэ Владимир Путин кинилэр РФ састаабыгар киирбиттэрин туһунан Төрүт сокуоҥҥа илии баттаабыта.

Биһиги дойдубут Арассыыйаҕа төрүт сирдээх норуоттар көмүскэллэрин  бэйэтигэр ылбыта. Арассыыйа өрүтэ Киевы өссө 2014 сылтан саҕалаабыт сэриини суһаллык тохтоторугар  ыҥырар.
Билигин дойду бүтүннүүтэ биһиги бэрэсидьиэммит тула түмүстэ.
Үгэс буолбут сыаннастар, бэйэ бэйэҕэ көмөлөһүү уонна Арассыыйа судаарыстыбатын өйөбүлүнэн,  Саха сирэ устуоруйа кылгас кэмин иһигэр дойду Хотугулуу-Илиҥҥи култуурунай уонна индустриальнай сайдыытын драйверыгар кубулуйда.
… Билигин уопсай кыайыы иһин хас биирдии киһи чопчу  көмөтө уонна тус кылаата наада. Байыаннай сулууспалаахтар дьиэ кэргэттэригэр кыһамньы, ичигэс, көмүскэнэр таҥастары тигии, майгы-сигили уонна өй-санаа өттүнэн өйөбүл -– биһиги уопсай кыайыыбытын чугаһатыы.
Биһиги баар кыахпытын олоххо киллэрэр туһугар   уопсастыба уонна нэһилиэнньэ кыаҕын-кыһамньытын хаһааҥҥытааҕар да түмэр кэммит кэллэ. Дойдубут туһугар! Норуот сомоҕолоһуутун туһугар!».

(Саха Өрөспүүбүлүкэтиттэн РФ сенатордара:Александр Акимов, Егор Борисов, РФ Судаарыстыбаннай мунньаҕын 8-с ыҥырыылаах дьокутааттара: Галина Данчикова, Федот Тумусов, Петр Аммосов, Юрий Григорьев, Сардана Авксентьева -– кылгатылынна).