Хаартыска: Лана Александрова.
Ыам ыйын 21 күнүгэр Федерация Сэбиэтэ Бүтүн Арассыыйатааҕы «Жизнь, разделенная на граммы» уруһуй күрэҕин түмүгүн таһаарбыта.
Кыайыылаахтар ортолоругар биһиги биир дойдулаахпыт, Дьокуускай куорат С.И. Климков аатынан 24 №-дээх орто оскуола 10 кылааһын үөрэнээччитэ Кирилл Шамаев баар. Уолу ийэтэ, “Росток” уһуйаан иитээччитэ Марианна Капитонова дьарыктыыр. Федерация Сэбиэтигэр ыытыллар быыстапкаҕа дойду эдэр талааннарын бастыҥ үлэлэрин ортотугар Кирилл Шамаев «Саллаат төннүүтэ» диэн үлэтэ турбута.
Федерация Сэбиэтин Бэрэссэдээтэлин көҕүлээһининэн бырайыак 2021 сылтан олоххо киирбитэ. Бу кэм устата 500-тэн 200 тыһыынчаҕа диэри улаатта. Быйыл быыстапка Улуу Кыайыы 80 сылыгар ананна. РФ сенатора Сахамин Афанасьев кыайыылаахтары анаан эҕэрдэлээтэ.
«Бырайыак дьоруойдарбытын үйэтитэргэ туһуланар. Үүнэр көлүөнэҕэ Арассыыйа историческай нэһилиэстибэтигэр болҕомтону тардарга, Ийэ дойдуга тапталы иҥэрэргэ дьулуһабыт. Биир дойдулаахпыт Кирилл Шамаев айбыт айымньыта олус долгутуулаах, сэрии ыар кэмин көрдөрөр. Кини уруһуйунан эрэ муҥурдаммат, черчениены эмиэ сөбүлүүр эбит. Инженер буолар баҕалаах. Ыра санаата туоларыга баҕарабын», — диэн бэлиэтээтэ. Сенатор кыайыылааҕы кытта көрсүһүүтүн Лана Александрова сырдатта.
Атырдьах ыйын 8 күнүгэр Дьокуускай куоракка устудьуон аатын сүгээри сылдьар эдэр дьоҥҥо аналлаах улахан тэрээһин…
Саха сиригэр 43 тирэх нэһилиэнньэлээх пуун инфраструктуратын сайыннарыы бырагыраамата оҥоһуллар. Үлэ тулалыыр эйгэни систиэмэлээхтик тупсарыыга…
Оҥоһуу өй күннээҕи кыһалҕаларбытын бэрт түргэнник быһааран биэрэрэ олус туһалаах. Бүгүн “Саина” сыыппара көмөлөһөөччүтүн билиһиннэрдилэр.…
Премьер-миниистир Кирилл Бычков салайааччылаах СӨ Бырабыыталыстыбатын уочараттаах мунньаҕар «Учуутал туһунан» үлэлиир сокуоҥҥа уларытыылары киллэрэр сокуон…
Дойду Бэрэсидьиэнэ Владимир Путин быйыл баттаабыт от ыйын 31 күнүнээҕи 301-РП №-дээх дьаһалынан, ыччакка патриотическай…
Быйыл "Дыгын оонньууларыгар" кыайбыт Борис Сдвижкову төрөөбүт-үөскээбит Амма улууһугар чиэстээтилэр. Дьэ, тугу бэлэхтээтилэр? Амма…