Хаартыска: www.sakha.gov.ru
Арассыыйа Сибиир, Уһук Илин уонна Арктика зоналарын ыраах уонна ойдом турар энергооройуоннарыгар тарҕаныллыбыт генерациятын сайыннарыыга “Энэргиэтикэ” хайысхатыгар РФ Судаарыстыбаннай Сэбиэтин хамыыһыйатын 2025 сыллааҕы бастакы мунньаҕа буолла.
Уһук Илини уонна Арктиканы сайыннарыыга РФ миниистирэ Алексей Чекунков, энэргиэтикэ миниистирин солбуйааччы Евгений Грабчак, РФ субъектарын уонна дойду бөдөҥ энэргэтиическэй хампаанньаларын салайааччылара кыттыылаах мунньаҕы олунньу 7 күнүгэр Ил Дархан, хамыыһыйа бэрэссэдээтэлэ Айсен Николаев салайан ыытта.
Айсен Николаев бэлиэтээбитинэн, ойдом турар уонна уустук айаннаах территориялар дойду 65% тиийэ ылаллар, онно 700 тыһ. тахса киһи олорор.
“Бу сирдэргэ уотунан хааччыйыы дизельнэй уматыгы тириэрдэн үлэлиир. Бу курдук элэктэриичэскэй ыстаансыйалар улахан аҥаардара уонунан сыллар анараа өттүлэригэр оҥоһуллубуттара, олус эргэрдилэр уонна эрэбил, экэнэмиичэскэй уонна экологическай өттүнэн аныгы таһымҥа сөп түбэспэттэр. Уустук айаннаах, уу суола уматык сыанатын биллэ эбэллэр, ол түмүгэр электроэниэргийэ бэйэтин сыанатын эмиэ” – диэн Ил Дархан эттэ.
Саха сиригэр децентрализованнай уотунан хааччыйыы зонатыгар 64% баар, онно 228 МВт тахса уопсай кыамталаах локальнай генерация 146 эбийиэгэ турар, ол иһигэр 30 күн күүһүнэн үлэлиир электроыстаансыйа уонна 2 тыал күүһүнэн үлэлиир электроыстаансыйа. “РусГидроны” кытта сөбүлэҥ иитинэн эрэгийиэҥҥэ электроэниэргийэ гибриднэй технологиятын туһанан 73 эбийиэги саҥардар былааннанар. “Номнуо 13,7 МВт уопсай кыамталаах 12 автоматизированнай гибриднэй энергокомплекс туһаҕа киирдэ, ол иһигэр 4,1 МВт күн күүһүнэн үлэлиир электроыстаансыйа.
Бу түмүгэр 2024 сылга эрэ 1650 туонна дизельнэй уматыгы кэмчилээтибит. Энэргосервис өссө 61 эбийиэгин саҥардар былааннанар, ол иһигэр 2025 сылга Кэбээйи улууһун Сангаар бөһүөлэгэр уонна Өймөкөөн улууһун Куйдуһун сэлиэнньэтигэр икки энергокомплексы үлэҕэ киллэриэхпит” – диэн Ил Дархан иһитиннэрдэ. Сиһилии манна ааҕыҥ https://sakha.gov.ru/news/front/view/id/3482558
Ил Дархан уонна Бырабыыталыстыба пресс-сулууспата.
Саха Өрөспүүбүлүкэтин Судаарыстыбаннай Мунньаҕын (Ил Түмэнин) күһүҥҥү бастакы уон төрдүс ыҥырыылаах пленарнай мунньаҕа саҕаланна. Пленарнай…
Москваҕа В.К.Арсеньев аатынан “Уһук Илин” Бүтүн Арассыыйатааҕы литературнай бириэмийэ номинаннарын испииһэгин таһаардылар. Финалга үс номинациянан…
Амма улууһун киинигэр саҥа поликлиника тутуута салҕанар. Бу доруобуйа харыстабылын бастакы сүһүөх звенотун саҥардыыга суолталаах…
"Ыал - ийэтинэн" сэргэх тэрээһини "Мичээр" СК уонна Суотту модельнай бибилэтиэкэтэ тэрийдилэр, нэһилиэк ийэлэрин бибилэтиэкэҕэ…
Уус Алдан улууһугар Бороҕоҥҥо оҕо ускуустубатын оскуолата "Дьиэ кэргэн" национальнай бырайыак көмөтүнэн саҥа тэрилинэн хааччылынна.…
Күн-дьыл туруга бу күннэргэ хайдаҕый? Күнү-дьылы кэтээн көрөөччүлэр туох дииллэрий? Өрөспүүбүлүкэ хотугулуу-илин, илин уонна соҕуруу…