Хаартыска: SakhaGov
Ахсынньы 23 күнүгэр Москваҕа Айсен Николаев бэрэссэдээтэллээх РФ Судаарыстыбаннай Сэбиэтин хамыыһыйатын “Энергетика” хайысхаҕа 2024 с. түмүктүүр мунньаҕа буолла.
Хамыыһыйа чилиэннэрэ оттук-энергетика комплекстарын эбийиэктэригэр куттал суох буолуутун таһымын үрдэтии боппуруостарын дьүүллэстилэр.
Саха сирин баһылыга бырамыысыланнай куттал суох буолуутун боппуруостарын биир дьоһун суолталааҕынан ааттаата.
«Бүгүн биһиги оттук-энергетика комплекстарын эбийиэктэригэр бырамыысыланнай куттал суох буолуутун кытары сибээстээх судургута суох боппуруоһу көрдүбүт. Билигин биисинэскэ кыһалҕалар баалларын да иһин, бырамыысыланнай куттал суох буолуутун боппуруостарыгар ханнык да мөлтөөн биэрии суох буолуохтаах дии саныыбыт. Дьон олоҕо уонна доруобуйата – барыбытыгар дьоһун суолталаах”, — диэтэ Айсен Николаев.
Мунньах кыттыылаахтара федеральнай министиэристибэлэр уонна биэдэмэстибэлэр дакылааттарын иһиттилэр, ТЭК кутталлаах эбийиэктэригэр саахал уонна быһылаан тахсыытын бопсууга этиилэри киллэрдилэр.
«Хомолтолоох түбэлтэ тахсыбатын уонна эчэйиини аҕыйатар туһугар бырамыысыланнас тэрилтэлэрин үлэлэригэр автоматизацияны уонна роботизацияны, беспилотнай технологиялары, кутталлаах зонаҕа киһини солбуйар ускуустубаннай интеллеги уонна үлэҕэ ыраахтан кыттыыны киллэриэххэ наада”, — диэн Айсен Николаев эттэ.
Хамыыһыйа мунньаҕар түмүктэри таһаарыыны сэргэ, 2025 сылга үлэ былаанын бигэргэттилэр.
Саха сирин 18 куоратыгар уонна улууһугар буруйу оҥоруу үрдээһинэ бэлиэтэннэ. 2025 сыл бастакы аҥаарыгар Саха…
Хороҕор муостааҕы, сыспай сиэллээҕи сайын да, кыһын да суолга түҥнэри көтүү тахса турар. Саха сирин…
Таатта улууһун Боробул сэлиэнньэтин 31 саастаах олохтооҕо икки буруйу оҥорбутунан ааҕыллар. Эр киһи Дьохсоҕон нэһилиэгин…
Үс сыллааҕыта байыаннай дьайыы саҕаламмыта, ол кэннэ тута быстах мобилизация буолбута. Хомуур, бэлэмнэниилэр, уот айаҕар…
От ыйын 12 күнэ -- Бөтүрүөп таҥара күнэ. Бу күн иччилэр (абааһылар) мунньахтыыр күннэрэ диэн…
Ааспыт сууккаҕа космостан уонна авиационнай кэтээн көрүү түмүгүнэн, Бүлүү улууһугар 4 гаа иэннээх сиргэ биир…