Хаартыска: sakha.gov.ru
РФ тырааныспарка миниистирин солбуйааччы Валентин Иванов Джалинда (Арассыыйа) – Мохэ (Кытай) нэһилиэнньэлээх пууннарын оройуонугар кыраныыссаны туорааһынынан Нерюнгри-Тында-Бамовская-Сковородино-Рейново (Джалинда) туһаайыыларынан Хоту-Соҕуруу норуоттар икки ардыларынааҕы тырааныспар саҥа көрүдүөрүн бастакы түһүмэҕин олоххо киллэрии боппуруоһугар сүбэ мунньаҕы ыытта.
Бу тэрээһиҥҥэ Саха сирин Бырабыыталыстыбатын Бэрэссэдээтэлин бастакы солбуйааччы Дьулустаан Борисов кытынна.
Кини өрөспүүбүлүкэ бырабыыталыстыбата уонна “Саха сирин тимир суоллара” АУо “Сковородино-Рейново” тимир суол учаастагын чөлүгэр түһэрии туһунан иһитиннэрдэ.
“Бүгүҥҥү туругунан “Саха сирин тимир суоллара” АУо күүһүнэн Сковородино-Рейново тиэрдэр суолу чөүгэр түһэриигэ сөбүлэһилиннэ. Бырайыак 10-01 тарыыптаах 2-тэн 5 мөл туоннаҕа диэри таһаҕаһы тиэрдиини көрөр. Тимир суол исписэлиистэрэ илииньийэни көрдүлэр “, — диэтэ Дьулустаан Борисов.
Дьулустаан Борисов чөлүгэр түһэрэр үлэни ыытыыны саҕалыырга уонна бырайыак бастакы түһүмэҕинэн таһаҕаһы тиэйиигэ Сковородина-Рейново (68 км) салгыы уставной хапытаалга киллэрэн арыандаҕа биэрэр наадатын бэлиэтээтэ. КНӨ өттүттэн интэриэс баара көһүннэ, СӨ таһаҕаһы ыытааччылара тиэрдэргэ бэлэмнэрэ бигэргэнэн, Кытай өттүттэн Open-Top контейнердарыгар таһаҕаһы тутууга аһардар пуун инфраструктурата бэлэм буолбут.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…