Хаартыска СӨ Баһылыгын пресс-сулууспатыттан
Илиҥҥи экэнэмиичэскэй пуорум-2024 спортивнай киининэн Арассыыйа Успуорка министиэристибэтин павильоннара буолуохтара. Павильоннар “Уһук Илин уулуссата” быыстапкаҕа аһыллыахтара.
Үгэс быһыытынан, икки былаһаакка үлэлиэҕэ: “Успуорт – олох нуормата” уонна “ГТО арената”. Быыстапканы РФ Бэрэсидьиэнин Уһук Илиҥҥи федеральнай уокуругун боломуочуйалаах бэрэстэбиитэлин аппараата «Росконгресс» пуонда өйөбүлүнэн тэрийэр.
«Успуорт – ситиһиилээх, чэгиэн доруобуйалаах киһи олоҕор биир сүрүн чааһы ылар. Арассыыйа мэлдьи буоларын курдук сүдү спортивнай державанан буолар. Успуорка саамай сүрүнэ – майгы өттүнэн иитиллии, тулалыыр эйгэҕэ ытыктабыллаах сыһыаны иҥэрии буолар. Биһиги билигин үүнэр көлүөнэни иитии, эти-хааны эрчийии туһунан элбэхтик этэбит. Успуорт майгыны бөҕөргөтөр, баҕа санааны, тулуурдаах буолууну, дьиссипилиинэни, ыарахаттары туоруур дьоҕуру сайыннарар. Бу бэйэҕин кыайыы, кыаххын бэрэбиэркэлээһин. Маннык хаачыстыбалар спортивнай кыайыыны эрэбуолбакка, бастатан туран, киһи хайдах киһи буоларыттан, уустук усулуобуйаҕа хайдах дьарыктанан, бэриллибит соруктары быһаарарга үөрэнэриттэн тутулуктаах», — диэн РФ Бырабыыталыстыбатын Бэрэссэдээтэлин солбуйааччы-Арассыыйа Бэрэсидьиэнин Уһук Илин уокрукка боломуочуйалаах бэрэстэбиитэлэ Юрий Трутнев бэлиэтээтэ.
“Успуорт– олох нуормата” павильон идэтийбит уонна маассабай успуорт сайдыытын, норуоттар икки ардыларынааҕы бииргэ үлэлээһин, спортивнай тэрээһиннэр уонна да атын боппуруостары ырытар былаһаакканан буолуоҕа. Дьыалабыай мунньахтар уонна кэмэриэнсийэлэр ыытыллаллара былааннанар. Ыалдьыттар Арассыыйа успуордун инники бырайыактарын, саҥа көрүҥнэрин, спортивнай федерацияларын, ону тэҥэ дойду аатырбыт спортсменнарын ситиһиилэрин кытта билсиэхтэрэ.
Оттон “ГТО арената” павильоҥҥа үһүс аһаҕас “ГТО оонньуулара” Уһук Илиҥҥи Кубогын ыытыахтар. Манна Уһук Илиҥҥи уокурк бары уон биир эрэгийиэннэриттэн улахан дьон уонна оҕолор хамаандалара, ону тэҥэ Арассыыйа идэтийбит спортсменнара кыттыахтара.
Өрөспүүбүлүкэ үөрэҕин уонна наукатын миниистирин бастакы солбуйааччы Ньургун Павлов "Якутия24" ханаалга "Актуальное интервью" биэриигэ үөрэх…
Ааспыт ый ортотугар Мэдиссиинискэй реабилитацияҕа уонна спортивнай мэдиссиинэҕэ өрөспүүбүлүкэтээҕи киинин үлэһиттэрэ, тэрилтэлэрин территориятыттан кыракый куттаммыт …
Ааспыт өрөбүллэргэ Госавтоиниспиэксийэ автопатрула "Бүлүү" федеральнай суол кытыытыгар массыына турарын бэлиэтии көрбүттэр. Онно суоппар дьахтар…
Бүгүн, сэтинньи 8 күнүгэр, өрөспүүбүлүкэ баһыйар үгүс өттүгэр хаардыаҕа. Өймөкөөҥҥө сөҥүү түһэрэ күүтүллүбэт. Өлүөнэ аллараа…
Субуота – Сатурн салайар күнэ. Бу планета дьиссипилиинэни, эппиэтинэһи, тутулу уонна бэрээдэги ирдиир. Ол иһин…
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…