РФ Үөрэҕириитин миниистирэ быһа сибээскэ тахсан Саха сирин учууталларын эҕэрдэлээтэ

РФ Үөрэҕириитин миниистирэ Сергей Кравцов бүгүн ыытыллыбыт өрөспүүбүлүкэтээҕи Атырдьах ыйынааҕы сүрүн мунньахха быһа сибээскэ тахсан: “Дорооболоруҥ, коллегаларым!” – диэн этииттэн саҕалаан, саҥа үөрэх дьылынан Саха сирин педагогтарын эҕэрдэлээтэ.

Манна даҕатан эттэххэ, дойду үөрэҕин миниистирэ бу курдук быһа сибээскэ тахсан эҕэрдэлээбитин өйдөөбөппүн. Эбиитин ыйытыылаах буоллаххытына хоруйдуом диэн этиилээх буолла. Урукку өттүгэр эрдэттэн уһуллубут видеонан эҕэрдэни холбууллара. Түмүккэ миниистир: “2000 сылларга Саха сирэ үөрэх сайдыытыгар холобур буолара. Бастакынан инновационнай оскуолалар, физика-математика күүстээх үөрэҕэ бааллара”, — диэн бэлиэтээтэ.