Хаартыска: Үөрэх уонна билим министиэристибэтэ.
Дойду Үөрэҕириитин миниистирэ Сергей Кравцов Саха Өрөспүүбүлүкэтигэр оробуочай сырыытын кэмигэр Ил Дархан Айсен Николаевы кытта үөрэх тэрилтэлэрин тутуутун, СӨ Идэҕэ урутаан бэлэмниир киин дириэктэрэ Владислав Хабаров билиһиннэрбит “Мин бастакы идэм” эрэгийиэннээҕи бырайыагы киллэрэн туран, үөрэх систиэмэтин сайыннарар боппуруостары ырытта.
“2030 сылга диэри Саха Өрөспүүбүлүкэтигэр үөрэх систиэмэтин биир кэлим сайыннарыы туһунан” Ил Дархан олоххо киллэрбит бырайыага улахан кылаас үөрэнээччилэрэ өссө оскуоланы бүтэриэхтэрин иннинэ бастакы идэни ылалларыгар көмөлөһөр.
2024 сыллаахха бырайыакка өрөспүүбүлүкэ араас улуустарыттан 10-11-с кылаас 1200 үөрэнээччитэ хабылынна. Хас биирдии кыттааччы эбии үөрэхтээһин бырагырааматынан үөрэххэ эбэтэр идэҕэ бэлэмнээһиҥҥэ 20 000 солк. суумалаах анал сэртипикээти тутар. Ирдэнэр компетенцияларынан барыта 47 үөрэх бырагыраамата бигэргэммитэ. Олортон оҕолор ордук «Пилота суох көтөр авиационнай систиэмэ», «Интернет-маркетинг» уонна «Нэһилиэнньэ сыыппараҕа кырааматынаһын сайыннарар эйгэ сүбэһитэ» хайысхалары сэҥээрэллэр.
Сергей Кравцов бырайыак суолталааҕын бэлиэтээтэ: “Мин бастакы идэм” бырайыак суолталаах, оҕолор бастакы исписээлинэһи, специализацияны ылаллар, үрдүк үөрэххэ, кэллиэскэ киирэллэригэр номнуо оробуочай исписээлинэстээх буолаллар. Биһиги Саха сирин уопутун атын эрэгийиэннэргэ тарҕатарбытыгар Айсен Сергеевичтыын биир идэлээхтэрбит бары матырыйаалларын үллэстэллэригэр кэпсэттибит” — диэтэ.
РФ Үөрэҕириитин миниистирэ эрэгийиэҥҥэ оҕону идэҕэ эрдэттэн туһаайыы систиэмэтин сайыннарыы суолталааҕын бигэргэттэ, итиэннэ Саха сирин уопутун Арассыыйа атын эрэгийиэннэригэр тарҕатыы кэскиллээҕин бэлиэтээтэ.
Бу туһунан Үөрэх уонна билим министиэристибэтэ суруйар.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…