РФ Үөрэҕириитин министиэристибэтэ оскуолаларга биир кэлим наардалы киллэрээри Роспотребнадзору кытта үлэлэһэр

РФ Үөрэҕириитин министиэристибэтэ оскуолаларга уруок биир кэлим наардалын киллэриигэ Роспотребнадзору кытта үлэлэһэр. Бу туһунан ТАСС суруйар.

“Наардал (расписание) билигин хас биирдии уопсай үөрэхтээһиҥҥэ федеральнай үөрэх былаанын барыйааныгар оҥоһуллан турар. Ону сөбүлэһиигэ Роспотребнадзору кытта үлэлэһэбит. Биир кэлим наардалы оҥоруу сүрүн соруга – СанПиН ирдэбилигэр сөп түбэһиннэрии, ноҕуруусканы кыччатыы, үөрэнээччилэр биологическай тэтимнэрин учуоттааһын, үөрэх ноҕуруускатын нэдиэлэ устата тэҥник үллэрии” – диэн пресс-сулууспа иһитиннэрбит.

Оскуолалар федеральнай биир кэлим ирдэбил иитинэн наардалы бэйэлэрин усулуобуйаларыгар сөп түбэһиннэрэн (адаптировать) биэриэхтэрин сөп диэн министиэристибэҕэ быһаарбыттар. Бу туһунан ТАСС суруйар.