РФ үтүөлээх артыыһа Дмитрий Артемьев экстремальнай марафоҥҥа кытынна

Бүгүн Өймөкөөн улууһугар ыытылла турар экстремальнай марафоҥҥа  Арассыыйа 44 эрэгийиэниттэн, ону тэҥэ Белоруссияттан уонна Японияттан 96 спортсмен кыттар.

Кинилэр ортолоругар араас идэлээх, дьарыктаах дьон бааллар. Саастарынан эмиэ араастаһаллар — 17-тэн 70-ча сааска тиийэ. Сүүрээччилэр ортолоругар РФ үтүөлээх артыыһа Дмитрий Артемьев эмиэ баар.

Биэтэккэ бастакылар ахсааннарыгар кэлбит  үөрүүтүн ааттаах-суоллаах артыыс хотугу үҥкүүнэн бэлиэтээтэ. Дмитрий Артемьев Култуура сылыгар бэйэтигэр бэртээхэй бэлэҕи — умнуллубат өйдөбүлү бэлэхтээтэ!