«РИА» тутааччы «Звезднай» түөлбэҕэ түөрт дьиэни үлэҕэ киллэрэргэ көҥүл ылла
![](https://sakha-sire.ru/wp-content/uploads/2024/07/mycollages-29-2-960x640-1-960x596.jpg)
Дьокуускайга «Өрөспүүбүлүкэтээҕи ипотека ааҕыныстыбата» («РИА») «Звезднай» түөлбэҕэ С секторга түөрт элбэх кыбартыыраалаах дьиэни үлэҕэ киллэрэргэ көҥүл ылла.
Урут бу дьиэлэргэ ирдэбилгэ сөп түбэһэрин туоһулуур докумуон туттарыллыбыта. Элбэх кыбартыырадаах дьиэлэргэ маннык аадырыстар бэрилиннилэр:
- Юрий Шафер уулуссата, 6;
- Юрий Шафер уулуссата, 8;
- Александра Захарченко уулуссата, 7;
- Александр Захарченко уулуссата, 9.
Дьиэни туттарыы уонна күлүүстэрин биэрии аахталарын илии баттааһына Дьокуускай куорат, Орджоникидзе уул, 17 №- дээх дьиэ аадырыһыгар оҥоһуллуоҕа. Төлөпүөн нүөмэрэ: (4112) 506-999.
Тутааччы бэлиэтээбитинэн, Дьокуускай уокуруктааҕы дьаһалтатын Дьиэ-уот сыһыаннаһыыларын департаменыгар эбэтэр Саха сирин олорор дьиэ тутуутун дирекциятыгар күлүүһү ылыы болдьоҕун уонна бириэмэтин чуолкайдыахтара.
![](https://sakha-sire.ru/wp-content/uploads/2024/07/photo_5260265920696277901_y-1024x473-1.jpg)
2023 сыллаахха «РИА» тутааччы сэттэ элбэх кыбартыыралаах дьиэни тутан үлэҕэ киллэрбитэ, билигин С секторга атын дьиэлэр ситэриллэллэр уонна сыыйа түөлбэ атын олохтоохторугар сайдыы инфраструктурата оҥоһуллар.
Манна саҥа оҕо уһуйааннара, оскуолалар, сабыылаах каток, поликлиника, уопсастыбаннай миэстэлэр, оҕо уонна успуорт былаһааккалара, биэлисипиэт суоллара, саҥа аспааллаах суоллар, оптуобус маршруттара уо.д.а. баар буолуоҕа.
Санатан эттэххэ, А секторга бастакы ыаллар быйыл күһүн киирбиттэрэ. Манна балаҕан ыйыгар «Звезднай» эрэ буолбакка, чугастааҕы эбийиэктэри сылааһынан хааччыйар хочуолунайы үлэҕэ киллэриэхтэрэ.
Сообщить об опечатке
Текст, который будет отправлен нашим редакторам: