«РИК» бөлөх хампаанньалар 2025 сыллааҕы былааны бары хайысхаларынан толордулар

«РИК» бөлөх хампаанньалар көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр.

2025 сыллааҕы үлэлэрин бастакы түмүктэрэ уонна кэлэр сыллааҕы соруктара СӨ Ил Дархана Айсен Николаев мунньаҕар көрүлүннүлэр. Кини «РИК» бөлөх хампаанньаларын салайааччыларыгар уонна кэлэктииптэригэр 2025 сыллааҕы үлэлэрин иһин махтанна. «„РИК“ бөлөх хампаанньалара уустуктары аахсыбакка, туруоруллубут соруктары бары хайысхаларынан толордулар. 2026 сылга салгыы үлэлииргэ үтүө тосхол баар», – диэн Айсен Николаев бэлиэтээтэ.

Өрөспүүбүлүкэ баһылыга эрэгийиэн социальнай-экэнэмиичэскэй  сайдыытыгар суолталаах бырайыактары — бырамыысыланнаска, суоллары, дьиэни, социальнай уонна производственнай эбийиэктэри, ол иһигэр Дьокуускайга 4* категориялаах гостиница комплексын тутууну  олоххо киллэрэр үлэни салгыыры сорудахтаата.

Сиһилии https://www.sakha.gov.ru/news/17540 саайтка ааҕыҥ