Римма Бочкарева хаартыскалара
Украинаҕа буола турар байыаннай эпэрээссийэҕэ дойду чиэһин көмүскүү Уус Алдан улууһуттан барбыттар ортолоругар Чэриктэй нэһилиэгин уолаттара эмиэ бааллар.
Нэһилиэк баһылыга Федор Карманов иилээһининэн-саҕалааһынынан тэрилтэлэр кэлэктииптэрэ, нэһилиэк олохтоохторо буойуттарга уонна кинилэр чугас дьонноругар, дьиэ кэргэттэригэр көмөлөһө, өйүү олороллор. Нэһилиэк баһылыгын ыҥырыытын өйөөн, Чэриктэйтэн төрүттээх биир дойдулаахтар байыаннай дьайыыларга сылдьар Иван Замятиҥҥа, Иннокентий Сивцевкэ, Айаал Гороховка, Григорий Васильевка анаан 212 тыһыынча солкуобай көмө харчы хомуллан, уолаттар чугас дьонноругар тиксэриллибит.
Нэһилиэк Сынньалаҥын киинин дириэктэрэ Римма Бочкарева кэпсиир:
– Оскуола, оҕо саадын, сынньалаҥ киинин үлэһиттэрэ өрөспүүбүлүкэтээҕи мобилизациялыыр ыстаап сорудаҕынан саа уоһугар аналлаах хааны (чехолу) тигэ сылдьабыт. Былырыын ахсынньыга аахсыйа кэнсиэрбитигэр киирбит 8 тыһыынча солкуобайы бэбиэскэнэн барбыт уолаттарбыт төрөппүттэригэр, алтынньыга түөлбэлэринэн хомуллубут 50 тыһыынчалаах көмө харчы кинилэр каарталарыгар ыытыллыбыта. Быстах ыҥырыынан байыаннай дьайыыга барбыт Кеша Сивцев соҕотох олорор ийэтигэр биир дойдулаахтарбыт маһын, мууһун бэлэмнээн биэрбиттэрэ. Биһиги, нэһилиэк дьоно-сэргэтэ, уолаттарбыт этэҥҥэ сылдьан, ытык иэстэрин толорон, дойдуларыгар этэҥҥэ чэгиэн төннөн кэлэллэригэр баҕарабыт.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…