Roblox оонньуом этэ диэн

Roblox бобуллубутун кэнниттэн Москва оскуолатын үөрэнээччитэ платформаҕа киириини атыылаһан да туран оонньуон баҕарбыт.

Түөкүттэр ону мүччү тутуохтара дуо, 500 солк. төлөө уонна “үйэҥ да тухары” оонньоо диэбиттэр. Кыысчаан үөрэ-көтө түөкүттэр ыыппыт сигэлэринэн ийэтин банковскай каартатын дааннайдарын ыытан кэбиспит. Сонно тута каартаттан харчыны уһулан киирэн барбыттар. Кыыс ийэтэ нэһиилэ баттаһан блок туруорбут да, түөкүттэр 82 тыһ. солк. устубуттар. Оттон оонньуу олох да аһыллыбатах.