Мария Васильева хаартыската
Д. К. Сивцев- Суорун Омоллоон аатынан Опера уонна балет судаарыстыбаннай тыйаатырыгар бэҕэһээ, кулун тутар 7 күнүгэр, Саха сириттэн бастакы Олимпийскай чөмпүйүөн Роман Михайлович Дмитриев төрөөбүтэ 75 сылыгар аналлаах Саха сирин уопсастыбаннаһын түмсүүтэ буолла.
Саха сирин Бырабыыталыстыбатын аатыттан өрөспүүбүлүкэ премьер-миниистирэ Кирилл Бычков тыл эттэ.Кини Саха сирин бастакы Олимпийскай чөмпүйүөнэ Роман Михайлович Дмитриев төрөөбүтэ 75 сылын көрсөр үбүлүөй Саха успуордугар эрэ буолбакка, өрөспүүбүлүкэ уопсастыбаннай уонна культурнай олоҕор уопсайынан улахан суолталаах даата буоларын тоһоҕолоон эттэ.
«Бастакы олимпийскай чөмпүйүөн — Саха сиригэр уос номоҕо буолан, умнубакка кэпсиир киэн туттуубут. Биллэн турар, эдэр спортсменнарга, ыччаппытыгар, ааспыт кэм өрөгөйө улахан суолталаах, бу ситиһии күн бүгүн улуу холобур. Биһиги бу кыайыыны урукку репортажтары көрөн өйдүү, саныы сылдьабыт. Спортсменнарга Олимп чыпчаалыгар дабайыы муҥутуур кыайыы мэктиэтэ. Бу курдук ситиһиилэр үйэлэргэ хаалаллар».
Үөрүүлээх мунньахха Ил Түмэн Бэрэссэдээтэлэ Алексей Еремеев, Тустуу федерациятын дириэктэрэ Роман Гайдуков, Олимпийскай чөмпүйүөн Павел Пинигин, Роман Михайлович кэргэнэ Антонина Дмитриева тыл эттилэр.
Саха сирин бастакы Олимпийскай чөмпүйүөнүгэр ананар киинэ туһунан кэпсээтилэр. Эдьигээн улууһун «Чолигда» тыйаатыра кини олоҕун туһунан испэктээк туруорбутун көрдөрдө.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…