Роман Дмитриев аатынан турниры Саха сирин хамаандата икки кыһыл көмүс мэтээллээх түмүктээтэ

Саха сирин сүүмэрдэммит хамаандатыгар Роман Дмитриев аатынан норуоттар икки ардыларынааҕы көҥүл тустуу күрэхтэһиитигэр спортсмен Роман Николаев иккис кыһыл көмүс мэтээли ылары ситистэ.

Бу иннинэ турнир кыайыылааҕынан уонна кыһыл көмүс мэтээл хаһаайынынан Лев Павлов буолбута. Ону тэҥэ хамаанда  биир үрүҥ көмүс уонна биэс боруонса наҕараадалары тутта.

Турнир түмүк киирсиитигэр көрөөччүлэргэ 79 киилэ ыйааһыҥҥа диэри 12:0 ахсаанынан Ставропольскай кыраайтан Абдусалим Абдусалимовы  чаҕылхай кыайыытын спортсмен Роман Николаев бэлэхтээтэ.

«Күрэхтэһиигэ үгүс элбэх спортсмен кэлэн кыттыыны ылла. Онон Норуоттар икки ардыларынааҕы көҥүл тустуу күрэхтэһиитэ буоларын чахчы дакаастаата. Эрэллээх Кыайыыны аҕалбыппыттан олус үөрэбин. Аныгыс күрэхтэһии – Арассыыйа ыччатыгар чөмпүйэнээт», — диэн санаатын үллэһиннэ Роман Николаев.

Көмүс мэтээллэри Лев Павлов (57 кг) уонна Роман Николаев (67 кг) ыллылар. Үрүҥ көмүс призерунан Евгений Аронов (97 кг) буолла. Боруонса мэтээллэри Николай Захаров (57 кг), Николай Щеглов (61 кг), Юлиан Григорьев (65 кг), Кирилл Мордовской (70 кг), ону тэҥэ Лилия Рожина (68 кг) ыллылар.