Ил Дархан, бырабыыталыстыба дьаһалтатын пресс-сулууспата.
1972 сыллаахха Мюнхеҥҥэ буолбут олимпиада чөмпүйүөнэ, 1976 сыллаахха Монреальга буолбут олимпиада үрүҥ көмүс мэтээлин хаһаайына, аан дойду, Европа чөмпүйүөнэ, ССРС алта төгүллээх чөмпүйүөнэ Роман Дмитриев туһунан «Мои тетради» диэн саҥа кинигэ күн сирин көрдө. Бу кинигэ чөмпүйүөн күннүктэриттэн таҥыллан оҥоһуллубут, кини оҕо, эдэр сааһын туһунан сырдатар.
Кинигэни сүрэхтээһин Национальнай бибилэтиэкэҕэ буолла. Роман Михайлович кэргэнэ Антонина Дмитриева кини күннүктэрин тылбаастаан, иккис кинигэни таһаартарда. Бастакы кинигэ «Наука побеждать» диэн этэ. 2013 сыллаахха Роман Дмитриев ахтыыларынан таҥыллан тахсыбыта.
Кулун тутар 5-11 күннэригэр Ил Дархан Айсен Николаев сорудаҕынан Роман Михайлович Дмитриев төрөөбүтэ 75 сылынан үбүлүөйдээх тэрээһиннэр буола тураллар.
Чөмпүйүөн төрөөбүт күнүгэр — кулун тутар 7 күнүгэр Комсомольскай болуоссакка Роман Дмитриев пааматынньыгар сибэкки дьөрбөтүн ууруу сиэрэ-туома ыытыллыаҕа. Суорун Омоллоон аатынан Опера уонна балет тыйаатырыгар улуу тустуук олоҕун сырдатар «Сулус буолан умайдын» диэн испэктээги көрдөрүөхтэрэ.
Кулун тутар 8-10 күннэригэр олимпийскай чөмпүйүөн кэриэһигэр юниордарга ыытыллар норуоттар икки ардыларынааҕы күрэхтэһии буолуоҕа.
Роман Михайлович Дмитриев 1949 сыл кулун тутар 7 күнүгэр Эдьигээн оройуоунун Бэстээх сэлиэнньэтигэр төрөөбүтэ. Кини саха тустуутун аар-саарга аатырдыбыт киһи, сахалартан бастакы олимпийскай чөмпүйүөн буолар.
СӨ Ил Дарханын уонна Бырабыыталыстыбатын пресс-сулууспата.
Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…
VIII норуоттар икки ардыларынааҕы «Азия оонньуулара» кыттарга бэлэмнэнии чэрчитинэн, Саха сирин эдэр спортсменнара быйылгы сыл…