Салгыы
До выборов президента РФ
00 дней
:
00 часов
:
00 минут
:
00 секунд
Роман Дмитриев турнирыгар саха тустууктара икки кыһыл көмүс мэтээли ылары ситистилэр

Роман Дмитриев турнирыгар саха тустууктара икки кыһыл көмүс мэтээли ылары ситистилэр

Ааптар:
12.03.2023, 09:28
Дьулустаан Сергеев хаартыската, СИА.
Бөлөххө киир:

Бэҕэһээ, кулун тутар 11 күнүгэр, Дьокуускайга «Триумф» успуорт киинигэр олимпийскай чөмпүйүөн, ССРС успуордун үтүөлээх маастара, ССРС, Арассыыйа үтүөлээх тириэньэрэ Роман Михайлович Дмитриев сырдык аатыгар үтүө үгэскэ кубулуйбут норуоттар икки ардыларынааҕы көҥүл тустууга турнир саҕаламмыта.

Бастакы киирсиилээх күн түмүгүнэн, Саха сирин сүүмэрдэммит хамаандатын тустууктара икки кыһыл, икки үрүҥ көмүс уонна биир боруонса мэтээли ылары ситистилэр диэн СИА суруйар. Ол курдук бастакы миэстэни Александра Копылова уонна  Владимир Баяновскай ыллылар. 

57 кг Саха сирин тустууктара икки наҕараадалаахтар. Ол курдук  Николай Заболоцкай  Тыва тустуугун кыайан, боруонса мэтээли ылла.  Эмиэ бу ыйааһыҥҥа Роман Дмитриев былырыыҥҥы кыайыылааҕа  Лев Павлов бүрээт Баир Баяндуевтыын киирсэн,  Лев иккискэ таҕыста.

Оттон кыргыттарга Александра Копылова  кыһыл көмүһү, Надежда Куличкина үрүҥ көмүс мэтээли хамаандаларыгар аҕаллылар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
4 марта
  • -24°C
  • Ощущается: -24°Влажность: 76% Скорость ветра: 1 м/с

Сообщить об опечатке

Текст, который будет отправлен нашим редакторам: