Анаабыр улууһуттан табаны иитэр хаһаайыстыбаны салайар Роман Туприн Москваттан кэллэ.
Кини онно «Путин хамаандатын» мунньаҕар кыттыыны ылла. Ааспыт өрөбүллэргэ Арассыыйа үрдүнэн хас да сүүһүнэн киһи Бэрэсидьиэни өйүүр туһугар дойду киин куоратыгар мустубуттара.
«Мин маннык улахан тэрээһиҥҥэ аан бастаан кытынным. Тыа сирин түгэҕиттэн киин куорат артыыстарыгар тиийэ мустубуттар», — диэн Роман Туприн санаатын үллэстэр. Тэрээһиҥҥэ биллэр-көстөр дьон кыттыыны ылбыттар: үтүөлээх спортсменнар, аан дойдуга биллэр ааттаах-суоллаах режиссердар, музыканнар, артыыстар, суруналыыстар, бэлиитиктэр, быраастар. Кинилэр ортолоругар Ирина Роднина, Дмитрий Певцов, Сергей Михалков, Валерий Гергиев уо.д.а. бааллар.
Дмитрий Туприн мунньахха сүрүн тиэмэнэн кэнники биэс сылга Арассыыйа сайдыытын, үлэ түмүктэрин туһунан дьүүллэһии буолбутун этэр. «Федеральнай бырагыраамалар Арктикаҕа тиийэ үлэлииллэр: оскуолалар уонна оҕо саадтара тутуллаллар. Хотугу муора суолун сайыннарыыга үлэ тиһиктээхтик ыытыллар. Бу биһиэхэ улахан өйөбүл», — диэн бэлиэтиир кини. — Бэрэсидьиэн көҕүлээһининэн, хотугу эргимтэҕэ суол-иис огҥоһуллар, олорор дьиэлэр тутуллаллар. Онно дьон сөптөөх мэдиссиинэ өҥөтүнэн туһанар, үөрэх-билии ылар. Бу туһунан биһиги 90-с сылларга санаан да көрбөт этибит. Бу үлэ хайаан да салҕанара наада!»
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…
СӨ Ил Дархана Айсен Николаев тохсунньу 9 күнүгэр Дьокуускайга 253 үөрэнээччилээх 1 №-дээх орто оскуола…
Ааспыт сыл сэтинньитигэр онкология өрөспүүбүлүкэтээҕи диспансерын устуоруйатыгар киирэр түгэн — плазмосорбция процедурата оҥоһулунна. Анестезиология, реанимация…
Суукка иһигэр өрөспүүбүлүкэҕэ икки буруйу оҥоруу тахсыбыта бэлиэтэннэ. Бу туһунан СӨ Борокуратуурата иһитиннэрэр. Дьокуускай куоракка…