Роман Вильфанд: эрэгийиэннэринэн салгын температурата 10-16 кыраадыс нуорманы аһарыа

Гидрометсулууспа киинин научнай салайааччыта Роман Вильфанд олунньу ый бастакы күннэригэр Арассыыйа үгүс эрэгийиэннэринэн салгын температурата 4-16 кыраадыс нуорманы аһарарын туһунан иһитиннэрдэ.

Урал уонна Үөһээ Волга аттыгар сотору кэминэн салгын температуратын көрдөрүүтэ килиимэти нуорматын 10-16 кыраадыс аһарыаҕа. Уһук Илин уокурукка, Хабаровскай кыраайга уонна Саха сирин арҕаа өттүгэр салгын температурата нуорматтан 4-6 кыраадыс үрдүк буолуоҕа.

Сибииргэ, чуолаан Омскай, Новосибирскай, Кемерово уобаластарыгар, -25-30С кыраадыс тымныы буолара бэлиэтэниэҕэ. «Олох үчүгэй, сылаас күн-дьыл Арҕаа Сибиир соҕуруу өттүгэр туруоҕа, аныгыскы нэдиэлэҕэ сылаас күннэр нэдиэлэ саҕаланыытыгар эмиэ бэлиэтэниэ», — диэн кини түмүктээтэ.