Хаартыска: Мария Васильева, ЯСИА
«Кэлэр кыһын уруккутунааҕар быдан тымныы буолуоҕа, ол эрээри салгын температурата ортотунан нуормаҕа чугас эбэтэр оннооҕор үрдүк буолуоҕа», – диэн ТАСС-ка Арассыыйа Гидрометкиинин научнай салайааччыта Роман Вильфанд кэпсээтэ.
«Биһиги кыһыҥҥы халлаан туругун сабаҕалааһынын таһаардыбыт. Күн-дьыл туругун дааннайдара Гидрометкиин саайтыгар таҕыста. Бастакы сабаҕалааһын маннык: быйылгы кыһын салгын температурата ортотунан нуормаҕа чугас эбэтэр оннооҕор үрдүк буолуоҕа. Уопсайынан, сылаас кыһын, ол эрээри ааспыт сыллааҕы кыһыны кытта тэҥнээтэххэ, салгын температурата биллэ намыһах буолара сабаҕаланар, онон олус тымныы буолуоҕа», – диэн кини эттэ.
Ити курдук, Гидрометкиин саайтыгар тахсыбыт сабаҕалааһынынан, ахсынньыга Арассыыйа сирин-уотун үгүс өттүгэр ыйдааҕы орто салгын температурата элбэх сыллаах орто кээмэйгэ чугас буолуо диэн күүтүллэр; нуорматтан намыһах – Уһук Илин федеральнай уокуругун хотугулуу-илинигэр.
Арассыыйа үгүс сиригэр-уотугар ахсынньы ыйга салгын орто температурата 2024 сыллааҕар намыһах буолуо диэн сабаҕаланар. Оттон 2026 сыл тохсунньутугар дойду бары сиригэр-уотугар салгын температурата орто кээмэйгэ чугас буолуоҕа. Онуоха Ураллааҕы уонна Сибиирдээҕи федеральнай уокуруктар, киин уонна соҕуруу эрэгийиэннэр бу сыл тохсунньу ыйынааҕар быдан тымныы буолара күүтүллэр, диэн Гидрометкииҥҥэ бэлиэтииллэр.
2026 сыл олунньу ыйыгар салгын температурата Киин уонна Соҕуруу федеральнай уокуруктар илин өттүлэригэр, Приволжскай федеральнай уокурук үгүс өттүгэр, Ураллааҕы федеральнай уокурукка уонна Сибиирдээҕи федеральнай уокурук арҕаа өттүгэр нуорматтан үрдүк буолуо диэн сабаҕаланар.
«Соҕуруу федеральнай уокурук үгүс эрэгийэннэригэр бу сыл олунньутааҕар сылаас буолара күүтүллэр; оттон Красноярскай кыраай хотугу аҥаарыгар, Саха сирин арҕаа өттүгэр – тымныы буолуоҕа», – диэн саайтка ыйыллыбыт.
Кыра оҕолордоох ийэлэр оҕо түүн уһуктарыттан сылтаан, ууларын хамматтар, онтон сылтаан доруобуйалара да эмсэҕэлиэн сөп.…
«Көмүс күһүн» Бүтүн Арассыыйатааҕы агробырамыысыланнай быыстапкаҕа түмүктэри таһаарыы бастакы күнүгэр Арассыыйа Наукаларын академиятын Сибиирдээҕи салаатын…
Япония Осака куоратыгар ЭКСПО Аан дойдутааҕы быыстапката түмүктэнэн эрэр. Алта ый устата 158 дойду ситиһиитин…
Ил Түмэн дьокутаата Антонина Григорьева Ил Түмэҥҥэ Саха Өрөспүүбүлүкэтин Төрүт Сокуонугар уларытыылары киллэриигэ анаммыт аһаҕас…
Саха эстрадатын биир биллэр-көстөр ырыаһыта Эрхаан Саха Өрөспүүбүлүкэтин Үтүөлээх артыыһа бочуоттаах ааты тутта. Билигин Дьокуускайга…
Саха сириттэн Айтал Коркин «Гордость нации – 2025» бириэмийэ эрэгийиэннэр икки ардыларынааҕы түһүмэҕин «Судаарыстыбаннай национальнай…