Роман Вильфанд: «Кэнники үс сыл — саамай сылаас кыһыннаах»

Бу сыл метеорологическай кэтээн көтүү устуоруйатыгар саамай сылаас сыллар ахсааннарыгар киириэҕэ диэн Арассыыйа Гидрометкиинин научнай салайааччыта Роман Вильфанд иһитиннэрдэ. Кэнники үс сыл саамай сылаас буолла диэн кини ТАСС ааҕыныстыбаҕа биэрбит интервьютугар кэпсээтэ.

— Аан дойдутааҕы метеорологическай тэрилтэ сабаҕалааһынынан, кэтээн көрүү устуоруйатыгар бэлиэтэммитинэн, 2025 сыл  иккис дуу, үһүс дуу саамай сылаас сылынан биллэриллиэҕэ. Бу килиимэт сылыйыытын көрдөрөр. Парниковай гаастар муҥутуур элбэх мунньуллуулара бэлиэтэнэр. Туох да миэрэни ылбытыҥ иһин, бу гаастар элбээн иһэллэр, онон күн-дьыл сылыйыыта олус түргэнник барар. Бу кэнники үс сыл күнү-дьылы кэтээн көрүү устуоруйатыгар саамай сылаас сыллар буоллулар, — диэн кини кэпсээтэ.

Урут Парижтааҕы сөбүлэһиигэ аан дойдутааҕы сөҕүмэр сылыйыы сылга 1,5 кыраадыс буолар диэн эппиттэрэ. Вильфанд этэринэн, парниковай гаастар аһара элбээбиттэринэн, кэнники кэмҥэ сылыйыы олус түргэнник баран иһэринэн, бу 1,5 кыраадыһынан эрэ муҥурдаммата буолуо.