«Росатом» Саха сиригэр «Көдьүүстээх эрэгийиэн» бырайыагы олоххо киллэрэр
![](https://sakha-sire.ru/wp-content/uploads/2024/01/ac829009fb694240ed20f28484d94d3a3764cb11-1-850x596.jpeg)
Бу күннэргэ Ил Дархан Айсен Николаев «Росатом» ГК производственнай систиэмэни сайыннарыыга генеральнай дириэктэри солбуйааччы Сергей Обозовы уонна «Атомредметзолото» генеральнай дириэктэрэ Владимир Верховцевы кытары көрүстэ.
Көрсүһүүгэ Саха сиригэр 2020-2023 сылларга «Көдьүүстээх эрэгийиэн» бырайыагы олохо киллэрии түмүктэрин дьүүллэстилэр.
-«Көдьүүстээх эрэгийиэн» бырайыагы олоххо киллэрии Саха сирин экономическай кыаҕын үрдэтэр. Управление саҥа ньымалара үөрэх хаамыытын, салайар уонна промышленнай үлэлэри тупсарарга көмөлөһөллөр. Бырайыак олоххо киириитин 2025 сылга диэри уһатан биэрии Саха сирин олохтоохторо профессиональнай сайдыыларыгар саҥа кыаҕы биэриэ, — диэн эттэ Айсен Николаев.
Көрсүһүү түмүгүнэн Саха сиригэр 2024-2025 сылларга «Көдьүүстээх эрэгийиэн» бырайыагы олоххо киллэрии былаана торумнанна. Ону тэҥэ хоту таһаҕаһы тиэйии үлэтин оптимизациялааһыҥҥа бииргэ үлэлээһин кыаҕын дьүүллэстилэр.
«Росатом» судаарыстыбаннай корпорация дойдуга биир күүстээх производственнай систиэмэлээх. Корпорация көдьүүстээх үлэлээх. Бырайыактартан биирдэстэринэн, Арассыыйа эрэгийиэннэригэр тарҕанар «Бережливые поликлиники» буолар. Манна пациеннарга уонна быраастар үлэлэригэр табыгастаах усулуобуйа тэриллэр. Маннык ньымалар эрэгийиэннэр судаарыстыбаннай уонна муниципальнай өҥөлөрүгэр киирбиттэрэ. 2020 сыллаахха бу бырагырааманы сэргээбит эрэгийиэннэртэн Саха сирэ бастакыларынан буолар», — диэн иһитиннэрэр Сергей Обозов.
Сиһилии https://www.sakha.gov.ru/news/front/view/id/3384997 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Сообщить об опечатке
Текст, который будет отправлен нашим редакторам: