Росгвардеецтар дебоширдары, итирик суоппары уонна бэлисипиэт уоруйаҕын туппуттар

Саха сиригэр ааспыт нэдиэлэ устата росгвардеецтар харабылланар эбийиэктэртэн киирбит айдаан тахсыбыт иһитиннэриилэринэн 143-тэ тахса сырыттылар диэн биэдэмистибэ пресс-сулууспата иһитиннэрэр.

Дьокуускайдааҕы Росгвардия салаатыгар Дежнев уулуссатыгар баар гостиницаттан тыллабыр киирбит. Онно итирик туруктаах 22 саастаах куорат олохтооҕо дьахтар айдаан таһааран, хостор икки ардыларынааҕы ааны алдьаппыт уонна оҥоһуллубут хоромньуну толуйартан аккаастаммыт. Сокуон кэһээччи дьахтары тутан, полиция отделыгар тиэртилэр.

Росгвардия бөлөҕө аныгыскы тахсыыта Федор Попов уулуссатыгар баар баарга буолбут. Онно 53 саастаах итирик туруктаах ыалдьыт 20 000 солк. микрофону алдьаппыт уонна хоромньуну толуйартан аккаастаммыт.

Чурапчы сэлиэнньэтин Комаров уулуссатыгар түүҥҥү патруллааһын кэмигэр Росгвардия  үлэһиттэрэ,  итирик суоппар мототиэхиньикэнэн айаннаан иһэрин бэлиэтии көрбүттэр. Итирик суоппары туппуттар уонна ГИБДД үлэһиттэригэр туттарбыттар.

Дьокуускайга росгвардеецтарга Каландаришвили уулуссаҕа 50 000 солк. түргэн сырыылаах бэлисипиэт уоруллубутун туһунан иһитиннэрии киирбит. Сотору соҕус буолан баран үлэһиттэр бэлисипиэти бэлиэтии көрбүттэр уонна эдэр уолу туппуттар. Уорбаланааччы тутуллан, полиция учаастагар быһаарыы биэрбит.