Росгвардия пресс-сулууспата
Саха сириттэн Росгвардия икки байыаһа «AJP Tour RUSSIA NATIONAL JIU-JITSU CHAMPIONSHIP 2024 — GI & NoGi» үрдүк таһымнаах турнир кыайыылаахтарынан буоллулар.
Күрэхтэһии Москва куоракка ыытылынна. Джиу-джитсуга саамай бөдөҥ, тыҥааһыннаах киирсиилэрдээх чөмпүйэнээккэ дойду бары муннуктарыттан күүстээх атлеттар кытыннылар.
Саха сиринээҕи Росгвардия управлениетын байыаннай сулууспалаах, майор Михаил Чащухин 77 киилэҕэ диэри ыйааһыҥҥа үрүҥ көмүс мэтээли ылла. Оттон Саха сиринээҕи Росгвардия управлениетын Дьокуускайдааҕы филиалын юрисконсула, полиция лейтенана Лилиана Албу 70 киилэҕэ диэри ыйааһыннаахтарга Gi көрүҥҥэ кыһыл көмүс мэтээл хаһаайкатынан буолла.
Джиу-джитсунан дьарыктанааччылар успуорт көрүҥүн саахымакка холууллар — оонньооччу бастаан стратегиятын толкуйдуур уонна туохтан саҕалыырын быһаарар. Бу тустуу көрүҥэр эмиэ оннук – утарсааччыгар тахсан, мөлтөх өрүттэрин булан, киирсии кэмигэр онно олоҕуран үлэлиигин.
Джиу-джитсу ньымалара утарсааччыны хамсаппат гына оҥорорго, ыарытыннарар эбэтэр тутар албастары оҥорорго көмөлөһөллөр. Лилиана Албу уонна Михаил Чащухин джиу-джитсунан доруобуйаларын тупсарарга уонна күрэхтэһиилэргэ, ол иһигэр атын киирсиилэргэ кыттар сыалтан дьарыктаналлар, диэн Росгвардия пресс-сулууспата суруйар.
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…
Арассыыйа Баанын Саха сиринээҕи салаатыгар түөкүттэргэ албыннаппаттарын уонна үптэрин-харчыларын сүтэрбэттэрин туһугар килийиэннэрин көмүскээбит баан үлэһиттэрин…
Таатта улууһугар СӨ ситэриилээх былааһын уорганнара 2025 сыллааҕы үлэлэрин түмүгүнэн отчуоттара саҕаланна. Бырабыыталыстыба оробуочай бөлөҕүн…
Саха сирин хомуур хамаандатын лидердэрэ Айаал Сивцев, Саргылан Семёнов, Виктория Петрова уонна Роман Ибрагимов паралимпийскай…