Хаартыкса: Росгвардия пресс-сулууспата
Буулдьанан «Бэргэн» тииргэ ытыыга «Динамо» бэтэрээннэрин икки ардыларыгар ыытыллар Спартакиада чэрчитинэн компакт-спортиҥҥа тус-хамаанданан чөмпүйэнээт буолан ааста.
Бу туһунан Росгвардия пресс-сулууспата иһитиннэрэр. Күрэхтэһиигэ физкултуура бэтэрээннэрин кэлэктииптэриттэн 6 хамаанда кытынна.
Кыттааччылар «А», «Е» уонна «D» позициялартан араас траекториянан көтөн тахсар биирдиилээн тэриэлкэлэри 12-с калибрдаах көнө уостаах сааларынан ытыалаатылар. Итиниэхэ хас биирдии сыалы сир ньуурун таарыйыар диэри иккитэ ытар көҥүллэнэр.
Хас биирдии кыттааччыга 15-тии сыал-тэриэлкэ тиксибитэ. Тэҥ ахсааны түһэрбит кыттааччылар икки ардыларыгар ким бастыыра көтөн иһэр сыалга бастакы сыыһыар диэри эбии ытыынан быһаарыллара.
Тыҥааһыннаах уонна чиэһинэй киирсии түмүгүнэн Росгвардия управлениетын бэтэрээнэ Дмитрий Тимофеев бочуоттаах үһүс миэстэни ылла.
Бастыҥ ытааччынан Георгий Новгородов (ЫБМ сулууспатын бэтэрээнэ) ааттанна, иккис миэстэҕэ Петр Собакин (ИДьМ сулууспатын «Дьокуускайдааҕы» управлениетын бэтэрээнэ) таҕыста.
Кыайыылаахтар уонна миэстэлэспиттэр мэтээллэринэн, дьупулуомнарынан уонна сыаналаах бириистэринэн, оттон күрэхтэһии бары кыттыылаахтара — өйдөбүнньүк дьупулуомнарынан наҕараадаланнылар.
Төрдүс сылын анимация уонна дубляж устуудьуйалара үлэлиир «Тооку» оҕо телеханаала «Тооку уонна Чысхаан» диэн саҥа…
Балаҕан ыйын 1 күнүттэн күүһүгэр киирэр уурааҕынан дойдуга орто хамнаһы быһаарар саҥа бэрээдэк үлэһиттэргэ хас…
Бүтүн Арассыыйатааҕы «Аҕа дойдуга сулууспа» сырдатар аахсыйатын чэрчитинэн, Арассыыйатааҕы «Билии» уопсастыбатын өйөбүлүнэн, Дьокуускай куорат «Арктика…
Аллайыаха оройуонун Чокуурдаах бөһүөлэгэр бу сыл бүтүөр диэри кирдээх ууну ыраастыыр ыстаансыйаны үлэҕэ киллэрэри былаанныыллар.…
Александра Иванова номнуо сүүрбэ биэс сыл устата сөбүлүүр дьыалатыгар – тапталлаах «Сэттис халлаан» кафеҕа дьону-сэргэни…
Бүгүн Саха сириттэн төрүттээх «Хаҥыл» позывнойдаах байыаннай сулууспалаах Саха сирин олохтоохторугар туһаайан, байыаннай дьайыы буойуннарыгар…