Росгвардия үлэһитэ Александр Гундарев кэриэһигэр өйдөбүнньүк истиэндэ туруорулунна

Share

Дьокуускайдааҕы кадетскай оскуолаҕа бэҕэһээ, алтынньы 5 күнүгэр, байыаннай анал эпэрээссийэ кэмигэр олоҕун толук уурбут полиция сержана, Росгвардия үлэһитэ Александр Гундарев сырдык кэриэһигэр өйдөбүнньүк истиэндэни туруордулар.

СӨ Росгвардия Управлениетын салайааччытын эбээһинэһин толорооччу, подполковник Никита Воробьев өйдөбүнньүк тэрээһин аһыллыытыгар: «Бүгүн биһиги бойобуой табаарыспытын кэриэстиибит. Эдэр дьон күөгэйэр күннэригэр олохтон бараллара олус ыарахан», — диэн эттэ.

Тэрээһин туһунан кадетскай оскуола ыстаарсай методиһа Айсена Софронова: «Бэҕэһээ оскуолабытыгар выпускникпыт, Росгвардия үлэһитэ Александр Гундарев сырдык кэриэһигэр анаммыт өйдөбүнньүк истиэндэ арыллыыта буолбута. Александр бу ааспыт сайын дойдутун туһугар ытык иэһин толоро сылдьан, сырдык тыына быстыбыта.

Кини ийэтэ, эбээтэ, убайа, бииргэ үлэлээбит кэллиэгэлэрэ, үөрэппит учууталлара, бииргэ үөрэммит табаарыстара кэлэн, Саша туһунан ахтан-санаан аастылар. Сашабыт биһиэхэ 2009 сыллаахха бииргэ төрөөбүт убайын Сергейи кытта сэттис кылааска үөрэнэ киирбиттэрэ. Оскуолаҕа үөрэнэр сылларыгар Саша бэйэтин кыһамньылаах үөрэнээччи, успуорка олус дьоҕурдаах үөрэнээччи быһыытынан көрдөрбүтэ. Ол курдук, кини көҥүл тустуунан утумнаахтык дьарыктаммыта. Биридимиэтинэй олимпиадаларга, научнай-практическай кэмпириэнсийэлэргэ көхтөөхтүк кыттара. Киһи быһыытынан олус элэккэй, көрсүө-сэмэй, элбэх доҕоттордоох, биир бастыҥ чаҕылхай үөрэнээччибит этэ. Оскуолабыт чиэһин элбэх араас күрэхтэһиилэргэ, тэрээһиннэргэ көмүскүүрэ. Саха сирин делегациятын кытары Америка Торонто куоратыгар тустууга табаарыстыы көрсүһүүгэ уонна Москва, Пермь, Оренбург куораттарга хамаанданан күрэхтэһиилэргэ кыттыбыта. Оскуолатын ситиһиилээхтик үөрэнэн бүтэрээт, Нерюнгри куоракка сөбүлүүр идэтигэр туттарсан үөрэнэ киирбитэ. Үлэһит да буолан баран, Саша өрүү оскуолатыгар кэлэн учууталларын көрсөрө, ирэ-хоро кэпсэтэр буолара. Сашабыт өрүү биһиги сүрэхпитигэр  тыыннаах буолуоҕа. Кини хорсун быһыыта, аҕа дойдутугар бэриниилээх сыһыана биһиги үөрэнээччилэрбитигэр холобур буолуоҕа», — диэн ис сүрэҕиттэн эппитэ барыбытын долгутар.

Дьокуускайдааҕы кадетскай оскуола тус архыыбын хаартыскалара туһанылыннылар.

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Уопсастыба

Аллараа Бэстээх сыанатын киин куораты кытта тэҥнээтэххэ…

Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…

25 минут ago
  • Байыаннай эпэрээссийэ
  • Сонуннар

“Дьоруойдар кэмнэрэ” бырагыраамаҕа сайаапкалары ылыы иккис түһүмэҕэ саҕаланна

“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…

33 минуты ago
  • Сонуннар
  • Уопсастыба

Дьоруой Федор Поповка пааматынньык туруоҕа

LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…

1 час ago
  • Сонуннар

Төрөөбүт, биһикпин ыйаабыт сирим — сүрэхпэр

Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…

2 часа ago
  • Сонуннар

Соҕуруу дойду спортсменнара хаары уонна мууһу сонурҕуу көрдүлэр

Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга  саамай…

2 часа ago
  • Сонуннар

«Забота» электроннай сервиһинэн 3474 киһи туһанна

Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…

3 часа ago