Роскомнадзор Арассыыйа үрдүнэн Telegram үлэтин хааччахтыыр

Telegram үлэтэ Арассыыйа бүтүннүүтүгэр хааччахтаныа. Бу туһунан  Роскомнадзорга бигэргэттилэр диэн РБК суруйар.

«Биһиги ханнык баҕарар Арассыыйатааҕы уонна омук сирин интэриниэт-ресурстарын кытта үлэлииргэ толору аһаҕаспыт. Ол эрээри биир олус судургу усулуобуйалаахпыт: Арассыыйа Федерациятын сокуоннарын тутуһуу», — диэн Роскомнадзорга эппиттэр. Бу иһитиннэрии официальнай саайтка тахсыбыт. Регулятор этэринэн, платформа туһанааччылар тус дааннайдарын көмүскүүр сокуон ирдэбиллэрин толорбот уонна түөкүннээһини утары сөптөөх миэрэлэри ылыммат. Ол иһин, Telegram, атын да мессенджердэр курдук хааччахтанар.