Роскомнадзор WhatsApp үлэтин букатын тохтотуон сөп

WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ букатын бобуллуоҕа, диэн Роскомнадзор иһитиннэрэр.

«WhatsApp* мессенджер Арассыыйа сокуоннарын кэһэрин салгыыр. Мессенджер дойду иһигэр террористическай дьайыылары тэрийэргэ уонна ыытарга, толорооччулары угуйарга, биһиги гражданнарбытын утары түөкүннээһиҥҥэ уонна атын буруйу оҥорууга туттуллар», — диэн Роскомнадзор пресс-сулууспата бэлиэтиир.

Биэдэмистибэҕэ WhatsApp* мессенджергэ хааччахтааһыннар киллэриллэллэрэ салҕаныа диэн бэлиэтииллэр.

«Өскөтүн Арассыыйа сокуонун ирдэбиллэрэ мессенджеринэн син биир толоруллубатахтарына, үлэтэ букатын бобуллуоҕа», — диэн Роскомнадзорга  бэлиэтээтиллэр. Туһанааччыларга дойду сервистарыгар көһөргө сүбэлииллэр.