Росмолодёжь Саха сирин олохтоохторун ыччат пуорумнарыгар ыҥырар

2024 сылга Арассыыйа үрдүнэн Росмолодёжь пуорумнарыгар кыттарга 14-тэн 35-гэр диэри саастаах эдэр дьону ыҥыраллар. Росмолодёжь.События платформаҕа пуорумҥа регистрацияланыахха уонна хайа эрэ наадалаах сабыытыйаны талыахха сөп.

2024 сылга Арассыыйа  27 эрэгийиэнигэр Калининградтан Камчаткаҕа тиийэ бары федеральнай уокуруктарга 43 пуорум ыытыллыаҕа.

Пуорумнар эдэр дьон идэлэрин уонна тус бэйэлэрин интэриэстэрин сайыннаралларыгар араас хайысхалаах ураты үөрэх былаһааккаларынан буолаллар. Технологиялар, медиа, дизайн, социальнай-гуманитарнай дьиссипилиинэлэр, креативнай индустриялар, наука, туризм, урбаан, карьера, экология, спорт, патриотическай иитии – пуорумнар тиэмэлэрэ араас, ким баҕарар бэйэтин интэриэһинэн көрөн, сөбүлүүр сабыытыйатын булар.

Пуорум кыттыылаахтара бэйэлэрэ тугу сатыылларын көрдөрөн, биллэр-көстөр дьонтон ураты билиилэри ылыахтарын, дойду үрдүнэн саҥа доҕоттору, биир санаалаахтарын булуохтарын, Арассыыйа ситиһиилээх хампаанньаларыгар стажировка барыахтарын, грант ылыахтарын, социальнай суолталаах бырайыактарын олоххо киллэриэхтэрин сөп. Пуорум кыттыылаахтара туһааннаах эрэгийиэн айылҕатын, култууратын, уратытын кытары билсиэхтэрэ.

Эдэр дьону бөдөҥ олохтоох предприятиеларга үөрэтэр-билиһиннэрэр экскурсиялар, кэрэхсэбиллээх сирдэр, арт-эбийиэктэр, куорат бэстибээллэрэ күүтэллэр.

Уһук Илиҥҥи уокурукка олорор ыччат маннык Бүтүн Арассыыйатааҕы пуорумнарга кыттыан сөп: “Территория.Арт”, “Машук”, “Истоки”, «Юг молодой», «Экосистема. Заповедный край», «ШУМ»,  «Амур» эдэр урбаанньыттар пуорумнара, «Ростов», «ОстроVa», «Российский Север», «Область будущего», Эдэр учуонайдар пуорумнара, «Инженеры будущего», оробуочай ыччат пуорума, Социальнай билинии пуорума, «Бирюса», «Шерегеш», «iВолга», «ГосСтарт» эдэр судаарыстыбаннай уонна муниципальнай сулууспалаахтар пуорумнара, Бүтүн Арассыыйатааҕы  патриотическай пуорум, казак ыччатын Бүтүн Арассыыйатааҕы пуорума (слета), «Пик возможностей», «үрүҥ көмүс» доброволецтар  VIII пуорумнара, «Евразия Global» аан дойдутааҕы пуорумнар, #МЫВМЕСТЕ, ону тэҥэ Уһук Илиҥҥи уокурук пуорумнара.

Балаҕан ыйын 27 күнүттэн алтынньы 1 күнүгэр диэри Приморскай кыраайга Росмолодёжь.События линиятынан “На волне” Уһук Илиҥҥи уокурук уокуруктааҕы пуорума буолар. Уһук Илиҥҥи федеральнай университет дьиэтигэр-уотугар пуорум кыттыылаахтарын үс үөрэтэр трек кэтэһэр: “На волне создавая” – эдэр урбаанньыттарга, айар дьоҕурдаахтарга уонна креативнай маркет кыттыылаахтарыгар. “На волне играя” – остуол оонньууларыттан бүтүн тэрилтэнэн оонньуурга тиийэ араас оонньуулары айарга үөрэнэр баҕалаахтарга. “На родной волне” – төрөөбүт сирин-дойдутун устуоруйатын интэриэһиргиир чинчийээччилэргэ уонна патриотическай уопсастыбаннай тэрилтэлэр кыттыылаахтарыгар. Уһук Илин устуоруйатын, култууратын, айылҕатын саҥа санаалары үөскэтэр, дуоһуйууну биэрэр сир курдук көрөр дьону барыгытын бу тэрээһиҥҥэ кыттаргытыгар ыҥырабыт, диэн иһитиннэрэр СӨ баһылыгын уонна бырабыыталыстыбатын дьаһалтатын пресс-сулууспата.

Информационнай ыспыраапка: Росмолодёжь.События — биэдэмистибэлэр уонна партнердар сабыытыйаларын, тэрээһиннэрин түмэр Ыччат (Росмолодёжь) дьыалатыгар Федеральнай ааҕыныстыба анал платформата. Платформа үөрэтэр бырагыраамалары тэҥэ биирдэ ыытыллар улахан кээмэйдээх сабыытыйалары эмиэ түмэр.

Хантаактар: Валентина Дуксина-Иванова, “Форумнай дирекция” ФГБУ СМИ-ни уонна уопсастыбаннаһы кытта бииргэ үлэлиир салаа начаалынньыга, +79166095443, VDuksina@fadm.gov.ru

Валерия Шаповалова, “Форумнай дирекция” ФГБУ СМИ-ни уонна уопсастыбаннаһы кытта бииргэ үлэлиир салаа начаалынньыгын солбуйааччы, +79600468660, vshapovalova@fadm.gov.ru