Хаартыска: pxhere.com/ru/photo саайтан.
Уустук күн-дьыл туруга рейс көһөрүллүгэр, тохтотулларыгар, ону таһынан таһыы усулуобуйата эбэтэр маршрута уларыйарыгар тиэрдиэн сөп. Бу түбэлтэҕэ таһааччы хампаанньа пассажирдарга иһитиннэрэр миэрэлэри ылыныахтаах, диэн Роспотребнадзор пресс-сулууспата суруйар.
Итиниэхэ, рейс тохтотуллубутунан эбэтэр биллэрдик хойутаабытынан, маршрут уларыйбытынан эбэтэр рейс бириэмэтигэр көппөтөҕүнэн сибээстээн пассажир күһэлэҥинэн таһыыттан аккаастаммытынан билиниллэр.
Бу түгэҥҥэ пассажир, тарыыбынан төннөрүллүбэт да буоллаҕына, төлөммүт үбүн-харчытын төннүннэргэ ирдиир бырааптаах. Харчыны таһааччы хампаанньа бэйэтэ, эбэтэр кини сорудаҕынан боломуочуйалаах ааҕыныстыба, төлөбүр оҥоһуллубут сиригэр, ону таһынан таһааччы быраабылатыгар ыйыллыбыт пууннарга төннүннэрэр. Ол инниттэн таһааччы хампаанньа аатыгар ирдэбил сурук (претензия) суруйуохха уонна онно тахсыбыт ночооту бигэргэтэр докумуоннар куопуйаларын сыһыарыахха наада.
Ону таһынан, авиарейс хойутаатаҕына пассажир маннык бырааптардаах:
багааһы босхо харайтарыыга;
7 сааһыгар диэри оҕолоохторго ийэ уонна оҕо хоһун туһаныыга;
рейс 4 чаастан ордук хойутаатаҕына – сөрүүкэтэр утахтарынан уонна итии аһылыгынан хааччыллыыга;
күнүскү кэмҥэ 8 чаастан, оттон түүҥҥү кэмҥэ 6 чаастан ордук кэтэһэр буоллаҕына – гостиницаҕа олордууга.
Өскөтүн авиахампааннта сокуоннай ирдэбиллэри толорортон аккаастаннаҕына, пассажир Роспотребнадзорга сайабалыаннта суруйуон сөп. Биэдэмистибэ исписэлиистэрэ туһанааччы быраабын көмүскээһиҥҥэ консультацияны уонна туһааннаах көмөнү оҥоруохтара. Ыйытыылары rospotrebnadzor.ru официальнай саайтка «Обращения граждан» («Гражданнар туһаайыылара») салаа нөҥүө ыытыахха, эбэтэр Биир кэлим консультациялыыр кииҥҥэ бу нүөмэринэн эрийиэххэ сөп: 8 (800) 555-49-43 (Арассыыйа иһинэн эрийии босхо).
Красноярскайга икки төгүллээх олимпийскай чөмпүйүөн Иван Ярыгин кэриэһигэр тустууга норуоттар икки ардыларынааҕы турнир салҕанар. Хапсыһыылар…
Холуобунай дьыаланан Бүлүүтээҕи профессиональнай-педагогическай кэллиэс дириэктэрин бастакы солбуйааччытын эбээһинэһин толорооччу 20 түгэҥҥэ бэрик ылбытыгар уонна…
2026 сыл тохсунньу 28 күнүттэн олунньу 28 күнүгэр диэри Саха Өрөспүүбүлүкэтигэр баһаартан харыстанар анал эрэсиим…
Тохсунньу 30 күнүгэр барыллаан билгэлээһининэн, улахан магнитнай буурҕа түһэрэ күүтүллүбэт. Ол эрээри балаһыанньа өссө уларыйыан…
Быйыл тохсунньуттан орто үөрэх кэнниттэн үрдүк үөрэххэ туттарсааччыларга уларыйыы киирдэ. Туох? Орто үөрэҕи бүтэрбиттэр эрдэ…
Туһанааччылар бырааптарын көмүскээһин уонна киһи доруобуйатын хонтуруоллуур федеральнай сулууспа (Роспотребнадзор) «Нестле Россия» ХЭТ биэрбит иһитиннэриитигэр…