Хаартыска: ЯСИА
Роспотребнадзор Кытай Гуандун провинциятыгар чикунгунья ыарыыта күүскэ тарҕаныытын туһунан иһитиннэриини хонтуруолга ылла — дойдуга ыарыыны киллэриллэр куттала баар. Бу туһунан ТАСС-ка Роспотребнадзор пресс-сулууспата иһитиннэрдэ.
Бу иннинэ Кытайга чикунгунья ыарыыта күүскэ тарҕаммытынан сибээстээн, COVID-19 пандемиятын кэмигэр үлэлээбит харантыын миэрэлэригэр маарынныыр дьаһаллар киллэриллибиттэрин туһунан иһитиннэрии тахсыбыта. Дойдуга 7 тыһыынчаттан тахса ыалдьыы түбэлтэтэ бэлиэтэммитэ чуолкайданар.
«Роспотребнадзор Кытай Гуандун провинциятыгар чикунгунья ыарыы күөдьүйүүтүн туһунан иһитиннэриини хонтуруолга тутар. Билиҥҥи туругунан дойду сиригэр-уотугар чикунгунья ыарыытын киллэриллибит түбэлтэлэрэ бэлиэтэнэ иликтэр, ол эрээри киллэриллэр куттала баар», – диэн иһитиннэриигэ этиллэр.
Роспотребнадзорга бэлиэтээбиттэринэн, дойду кыраныыссаларыгар аһарар пууннарга сыстыганнаах ыарыы бэлиэлэрдээх дьону быһаарар «Периметр» систиэмэ үлэлиир.
«Ыарыыны түргэнник быһаарар инниттэн дойдуга оҥоһуллубут анал тест-систиэмэлэр бааллар. Ону таһынан, чикунгунья ыарыыта тарҕатар кумаардар циркуляцияларыгар куруук мониторинг ыытыллар, бүгүҥҥү күҥҥэ эпидемиологическай куттал суох», – диэн кэтиир-хонтуруоллуур биэдэмистибэҕэ чуолкайдаатылар.
Роспотребнадзор ыарыы тарҕаммыт дойдуларыгар сылдьар туристары үөннэргэ-көйүүрдэргэ ытыттарбаттарыгар, репелленнэри, ааннарга уонна түннүктэргэ бырдахтан хаххалыыр сиэккэлэри туһаналларыгар, сабыылаах таҥаһы кэтэллэригэр сүбэлиир.
Ыарыыны саарбахтыыр симптомнар көһүннэхтэринэ, бырааска көрдөрүнүөххэ уонна оннук дойдуларга сылдьыбыккын этиэххэ наада.
Чикунгунья симптомнара: үрдүк температура, сүһүөх күүстээх ыарыыта, былчыҥ ыарыыта,сылайыы, ымынах тахсыыта, сүһүөх иһиитэ. Ыарыыны Aedes aegypti уонна Aedes albopictus диэн икки көрүҥ кумаар тарҕатар. Бу кумаардар Денге ыарыытын курдук атын вирустары эмиэ тарҕатыахтарын сөп. Бу вируһу утары вакцина эбэтэр аналлаах эм суох.
Саха сирэ "Бессмертный полк России" Бүтүн Арассыыйатааҕы хамсааһын пуорумугар "Прорыв года" диэн номинацияҕа кыайыылаах таҕыста.…
Ленскэй оройуоннааҕы ИДьМ дьуһуурунай чааһыгар олохтоох киһи матасыыкылын уордарбытын туһунан иһитиннэрбит. Эмсэҕэлээччи эппитинэн, 25 тыс.солк.…
Мииринэй оройуонун Аҕа дойду буойуннарын дьиэ кэргэннэрин кэмитиэтин салайааччытын солбуйааччы Юлия Порядочных "Патриот" национальнай бириэмийэ…
Ньурба улууһун 42 саастаах олохтооҕо ГАИ үлэһитин үөхпүт. Бу туһунан дьуһуурунай борокуруор иһитиннэрэр. Саха сиригэр…
Ил Дархан Айсен Николаев Уһук Илини социальнай-экэнэмиичэскэй өттүнэн сайыннарыыга РФ Бырабыыталыстыбатын стратегическай сиэссийэтигэр кытынна. РФ…
Ааспыт сууккаҕа ЫБММ үэһиттэрэ суол саахалыгар ыҥырыллыбатылар. Техногеннай биэс баһаар бэлиэтэммит, эмсэҕэлээччи да, өлөөччү да…