Роспотребнадзор лимонады хайдах таларга сүбэлээтэ

Сайыҥҥы кэмҥэ ордук киһи араас минньигэс утаҕы элбэхтик иһэр. Олортон биирдэстэринэн лимонад буолар. Роспотребнадзор хаачыстыбалаах лимонады таларга маннык сүбэлэри биэрэр.

Хаачыстыбалаах лимонады талыы:

1. Болдьоҕун болҕойон көрүҥ: оҥорооччу ортотунан 6-12 ый болдьоҕу туруорар, бу утах састаабыттан быһаччы тутулуктаах.
2. Утах таһыгар (этикетка) баар састаабын үөрэтиҥ. “С арамотом” эбэтэр “со вкусом” диэн сурук утахха ароматизатор, амтаны тупсарар эбилик, краситель баарын туоһулуур. Чопчу манна болҕомто уурар ирдэнэр. Тоҕо диэтэххэ, мантан сорох киһи аллергиялыан сөп.

Синтетическэй красителлэр – органическай синтез нөҥүө оҥоһуллаллар, биллэр өҥү хаалларан араас матырыйаалга иҥиэн сөп. Маннык красителлэртэн сэрэхтээх буолар ордук, иммунитекка дьайыан уонна элбэҕи истэххэ сүһүрдүөн сөп. Фенилаланин эбэтэр аспартам курдук компоненнар баар түгэннэригэр, этикеткатыгар “Содержит источник …” диэн эбии маркировкаланыахтаах.

Састаабыгар ууттан уонна саахартан ураты дьиҥнээх сок (натуральный сок) эбэтэр прянай-ароматическай оҥоһук (сырье) эрэ киирэрэ ордук.

Куйаас күн ыраас ууну иһэр ордук: утаҕы ханнарар, саахара суох, эккэ-сииҥҥэ туһалаах. Минньигэс утах иһиэххитин баҕардаххытына сибиэһэй фруктаттан, отонтон, оттортон (мята, тимьян, базилик), ону тэҥэ, мүөт, стевия уонна клен сироба курдуктары эбэн бэйэҕит оҥосторгут ордук.

Лимонад оҥосторгутугар фруктаны анал атыылыыр сирдэртэн эрэ атыылаһыҥ. Атыы көҥүллэммэт сирдэриттэн, чуолаан суол кытыытыттан ылымаҥ. Атыыһыт атыылыыр табаарын хаачыстыбатын уонна куттала суоҕун бигэргэтэр докумуоннаах буолуохтаах. Фруктаны туһаныаххыт иннинэ кичэйэн сууйуҥ. Бу туһунан Роспотребнадзор телеграмыгар суруйаллар.