Роспотребнадзор салгын киртийиитин кэтээн көрүүнү оҥорор

Бу сарсыарда Дьокуускай куорат буруонан бүрүлүннэ. Онон сиэттэрэн Роспотребнадзор Саха сиринээҕи управлениета салгын киртийиитигэр кэтээн көрүүнү оҥорор.

Бу туһунан СӨ Суһал ыстааба иһитиннэрэр.

Роспотребнадзор Саха сиринээҕи управлениета салгын киртийиитигэр кэтээн көрүүнү баһаар сезонун устата оҥоруоҕа. Атырдьах ыйын 9 күнүн 12:00 чаастааҕы дааннайынан, өрөспүүбүлүкэ сиригэр-уотугар, Дьокуускайга, Уус Маайа улууһун Уус Маайа бөһүөлэгэр, Өлүөхүмэ улууһун Өлүөхүмэ куоратыгар, Чурапчы улууһун Чурапчы сэлиэнньэтигэр, Мэҥэ Хаҥалас улууһун Майа сэлиэнньэтигэр, Уус Алдан улууһун Чараҥ, Бороҕон, Майаҕас сэлиэнньэлэригэр, барыта 34 чинчийии оҥоһулунна.

Чинчиийии түмүгүнэн Дьокуускай куоракка эрэ үс көрүҥүнэн салгыҥҥа буортулаах эттиктэр нуорматтан таһынан барбыттара бэлиэтэннэ. Салгыҥҥа буортулаах эттиктэр өлүүскэлэрэ РМ 2,5 – 1,2 (ПДК), РМ 10 – 1,1 (ПДК) диэри.

Атын химиичэскэй эттиктэр (көтө сылдьар эттиктэр, углерод оксида, сера диоксида, формальдегид) нуорматтан тахсыбатахтар.