Роспотребнадзор сэрэтэр: кондитерскай оҥоһугу «илииттэн» ылар кутталлаах

Саҥа дьыл буолара аҕыйах күн хаалла. Бу хаалбыт үс хонугу баттаһа ыал хаһаайкалара араас кондитерскай табаардары, тортары рулеттары дьиэҕэ астаммыт ордук диэн чугас дьүөгэлэриттэн, аймахтарыттан, араас  биллэриилэри көрөн «илииттэн» атыылаһаллара элбиир.

Арай бу хайысхаҕа быраабыла баарын умнууга хааллараллар. Роспотребнадзор кондитерскай оҥоһугу атыылаһыыга сүрүн быраабылалары санатар:

• Кондитерскай оҥоһуктар анал тиэхиньикэнэн эбэтэр фургоннаргынан долбуурдарынан ууруллан таһыллыах. Кондитерскай оҥоһуктары хам баттыыр табыллыбат;
• Атыы-эргиэн тэрилтэлэригэр аһаҕас, анал упаковката суох табаары атыылыыра көҥүллэммэт;
• Кириэмнээх кондитерскай оҥоһуктар контейнердарынан эбэтэр хаппахтаах иһиттэргэ угуллан атыыланыахтаах.
• Кондитерскай оҥоһуктар булгуччу ыраас, кураанах, сабыылаах иһиттэргэ угуллар.

Атыылаһыан иннинэ бу аҕыйах быраабылалары тутуһары сүбэлииллэр:

• табаар састаабын ааҕыҥ. Онно меланж, мас арыыта, арыылаах сүөгэй, хойуннарар убаҕас уонна эмульгатордар ыйыллыбыт буоллаҕына, оҥорон таһаарааччы харайар болдьоҕун улаатыннарарга күһэллибит буолуон сөп. Маннык табаар киһи доруобуйатыгар атыннык дьайыан сөп;
• тортар уонна пирожнайдар +2-тэн +6° кыраадыска тиийэ температураҕа харайыллыахтаах;
• кириэмэ суох табаар 72 чаас устата харайыллар,
• кириэмнээх эбэтэр фруктанан киэргэтиллибит, сүөгэй кириэмнээх, ол иһигэр «хортуоска» пирожнай 36 чаас устата харайыллар;
• буһарыллыбыт кириэмнээх табаар 6 чаас кэннэ буортуйар;
• кондитерскай оҥоһуктары «илииттэн» атыылаһар табыллыбат, ол оннугар олохтоох анал тэрилтэлэр табаардарын куттаммакка ылыахха сөп;
• бородууксуйаны атыылаһарга састаабын болҕомтолоохтук ааҕыҥ. Табаар болдьоҕо хайаан да ыйыллыахтаах.