ЯСИА
Роспотребнадзор Саха сиринээҕи управлениета өрөспүүбүлүкэ үрдүнэн доруобуйаҕа кутталлаах утах тарҕаныытын кэтиир. Бу күннэргэ Арассыыйа үрдүнэн хас даҕаны эрэгийиэҥҥэ «Мистер Сидр» диэн ааттаах итирдэр утаҕы иһэн дьон сүһүрбүт түгэннэрэ тахсыбыттар. Холобура, Ульяновскай уобаласка 16 киһи бу арыгыны иһэн тыыннара быстыбыт.
Бу утаҕы Самара уобалаһыгар ХЭУо «АНДИ» диэн тэрилтэ оҥорбута биллэр. Кутталлаах утаҕы дойду үрдүнэн эргиэнтэн таһаарыы туһунан Роспотребнадзор салайааччыта Анна Попова сорудахтаата.
Ульяновскайга барыта 35 киһи сүһүрбүт, олортон 16 киһи өрүттүбэтэх. Самараҕа икки дьахтар бу утаҕы иһэн өлбүтэ биллэр, Удмуртияҕа икки киһи ыарахан туруктаах балыыһаҕа киирбит.
Роспотребнадзор сэрэтэр – кутталлаах утаҕы иһии өлүүгэ тиэрдиэн сөп. Сүһүрүү сибикилэрэ: хотуо, мэйии эргийиитэ, ис ыарыыта, төбө ыарыыта.
Роспотребнадзор «Мистер Сидр» утах ханна эмит атыылана турарын көрөр түгэҥҥитигэр 8 800 550-21-24 төлөпүөҥҥэ эрийэн сэрэтэргитигэр көрдөһөр.
Түүл туһунан тугу билэбитий? Киһи түүлүн 90 бырыһыанын умнар уонна 10 бырыһыанын эрэ өйдөөн хаалар.…
Бүгүн кэпсэтэр байыаһым Аҕа дойду көмүскэлин ытык иэһинэн ааҕар Үөһээ Бүлүүттэн төрүттээх “Боха” диэн позывнойдаах…
Байанай – баай хара тыа иччитэ, ойуур, көтөр-сүүрэр таҥарата. Кинини былыргы сахалар олус үөрүнньэҥ, кэһии…
Сылбыт элэҥнээн ааһа охсон, номнуо бүтэһик ый – ахсынньы үүннэ. Саҥа сылга диэри ыйы кыайбат…
Аатырбыт-сураҕырбыт, норуот тапталын ылбыт “Туймаада” судаарыстыбаннай вокальнай ансаамбыл дириэктэрэ, уус-уран салайааччыта, СӨ ускуустубатын үтүөлээх диэйэтэлэ …
Бүгүн, ахсынньы 7 күнүгэр, "Россия 24" телеханаалга 19.00 ч . ГТРК «Саха» бырайыагын — "Вместе…