Хаартыска: СИА.
Египет, Соҕуруу Африка (ЮАР), Кения, Киин Африка Өрөспүүбүлүкэтэ (ЦАР), Нигерия, Камерун уонна Соҕуруу Судан эбисийээнэ оспатынан ыалдьар кутталлаах дойдулар ахсааннарыгар киирдилэр. Бу туһунан Роспотребнадзор Эпидемиологияҕа киин научнай-чинчийэр институтун дириэктэрин солбуйааччыта Наталья Пшеничная иһитиннэрдэ.
«Арҕаа уонна Киин Африка дойдулара: ДРК, ЦАР, Либерия, Сьерра-Леоне, Нигерия, Камерун, Соҕуруу Судан уонна да атыттар — ыарыы төрүт олохсуйбут сирдэрэ (эндемичнэй) буолаллар. Ол эрээри кэлиҥҥи сылларга Африкаҕа эбисийээнэ оспата бэлиэтэнэр дойдуларын ахсаана биллэ элбээтэ. Бу испииһэккэ билигин туризм сайдыбыт сирдэрэ эмиэ киирдилэр — Уганда, Руанда, Кения, Египет, ЮАР уо.д.а.», — диэн эспиэр эттэ. Бу туһунан РИА Новости суруйар.
Урут маннык дойдуларга биирдиилээн эрэ айанньыттар сылдьар эбит буоллахтарына, билигин ити хайысхаларынан туризм маассабайдык кэҥиир. Онон сибээстээн, Арассыыйаҕа инфекция киирэр куттала улаатар. Экзотикалаах дойдуларга сылдьан сэрэхтээх буоларгытын умнумаҥ: дьиикэй уонна билбэт кыылларга (ыарыыны тарҕатааччы буолуохтарын сөп) чугаһаабат, ону тэҥэ тириилэрэ баастаах, ыарыы бэлиэлээх дьонтон тэйиччи туттуохха наада.
Эбисийээнэ оспатын күүһүрүүтэ 2022 сылтан бэлиэтэнэр. 2024 сылга ыарыы Африка дойдуларынан тарҕаммыта уонна АХШ-ка, Европаҕа, Азербайджаҥҥа, Арассыыйаҕа булуллубута. Арассыыйаҕа 2026 сылга Роспотребнадзор тас дойдутан киллэриллибит хас да түбэлтэни чинчийэр.
Росгидромет уонна Арассыыйа Гидрометкиинэ быйылгы сааскы халаан билгэтин бэлэмнээтилэр. Хаар аһара элбэҕиттэн элбэх эрэгийиэҥҥэ уу…
Саха сирин байыастарын дьиэ кэргэттэрин кэмитиэтин бары улуустарыгар баар филиаллара бу күннэргэ байыаннай дьайыыга сылдьар…
Былырыын от ыйын бүтүүтэ ИДьМ сулууспатын Мэҥэ-Хаҥалас оройуонун дьуһуурунай чааһыгар олохтоох дьахтар үҥсүбүт. 25 саастаах…
Үлэ министиэристибэтэ биэнсийэҕэ федеральнай социальнай эбии төлөбүрү ааҕар быраабылаҕа уларытыылары киллэрдэ. Биэдэмистибэ былырыын сэтинньи 11…
Урут технологическай кэһиллиилэр тахсыбыт Эдьигээннээҕи «Кыайыы 65 сыла» хочуолунайыгар тэриллэри уларытыы салҕанар. Бу туһунан бөһүөлэк…
Бүлүү улууһугар СӨБырабыыталыстыбата 2025 сыллааҕы үлэтин отчуота бара турар. Вице-премьер Анатолий Семенов салайааччылаах миниистирдэр уонна…