Хаартыска: Амма улууһун дьаһалтатыттан
Росприроднадзор Саха сиринээҕи управлениета Амма өрүс кытылыгар буолбут «Брызги волн» диэн күүгэн-бэчэрииҥкэтэ ыытыллыбыт усулуобуйатын быһаарар. Бу туһунан от ыйын 25 күнүгэр СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрэр.
Олохтоох былаас уоргана Амма өрүс күнүн тэрээһинин от ыйын 18 күнүгэр тэрийэн ыыппыт. Маннык күүгэни оҥорорго аналлаах суурадаһын туттуллар, ол ууттан, натрий лаурилсульфатыттан уонна глицеринтэн турар. Натрий лаурилсульфата күүгэн үөскүүрүгэр сабыдыаллыыр, оттон глицерин мыыла хабаҕын оҥорор диэн СӨ Экологияҕа министиэрситибэтэ быһаарар.
Сокуон быһыытынан, бу икки эттик сири-уоту киртитээччинэн билиниллэллэр уонна судаарыстыба хонтуруолугар тутуллаллар. Онуоха натрий лаурилсульфата уонна глицерин кыра кутталлаах эттиктэргэ киирэллэр диэн тустаах биэдэмэстибэҕэ этэллэр. Ол эрээри өрүс кытыла уу киртийиититтэн уонна араас дьайыылартан харыстанар сиринэн буоларынан, кытылга күүгэн-бэчэрииҥкэтэ тэриллэрэ бобуллар.
Росприроднадзор бу түбэлтэнэн бэрэбиэркэлээһини ыытар, тоҕо диэтэххэ Амма өрүс федеральнай экологическай кэтэбилгэ киирсэр.
Санатан эттэххэ, Амма өрүс күнэ сыл ахсын от ыйын үһүс субуотатыгар бэлиэтэнэр. Бу бэлиэ күн өрүс экологиятын харыстааһыҥҥа уонна туризмы сайыннарыыны тарҕатарга туһуланар. Бу күн араас тэрээһиннэр ыытыллаллар, ол иһигэр экологическай аахсыйаллар, кэнсиэртэр, күрэхтэһиилэр уонна норуот бырааһынньыктааҕы күүлэйэ ыытыллар. Бастакытын бырааһынньык 2018 сыллаахха ыытыллыбыта.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…