Россельхознадзор эрэгийиэннэр икки ардыларыгар сүөһү бородууксуйатын докумуона суох таһыыны тохтоппут

Бу 2025 сыл тохсунньутуттан ахсынньы 2 күнүгэр диэри Амур уобалаһын уонна Саха Өрөспүүбүлүкэтин Россельхознадзорун управлениетын иниспиэктэрдэрэ ИДьМ ГАИ үлэһиттэрин кытта Дьокуускай, Нерюнгри, Мииринэй куораттарын стационарнай постарыгар, кыылы-сүөлү уонна тыа хаһаайыстыбатын бородууксуйатын сокуоннайа суох таһыыны тохтотор соруктаах 50-тан тахса эриэйдэни оҥорбуттар.

Ити ыйыллыбыт кэм устата иниспиэктэрдэр 6 туонна балык, 185 киилэ үүт, 44 киилэ эт бородууксуйатын туппуттар. Итини таһынан, бэтэринээринэй арыаллыыр докумуона суох Новосибирскай уонна Кемеровскай уобаластартан аҕалыллыбыт 59 иитиэх куһу (подсадной), Новгородскай уобаластан аҕалыллыбыт альпагы булбуттар.

Бу туһунан Бэтэринээринэй уонна фитосанитарнай кэтээн көрөр федеральнай сулууспа (Россельхознадзор) саайтыгар суруйаллар. Сиһилии манна ааҕыҥ.