«Россия» быыстапка чэрчитинэн Саха сирин экспозицията ыалдьыттарга анаан аһылынна
Норуот сомоҕолоһуутун күнүгэр Москваҕа ВДНХ-ҕа «Россия» быыстапка-пуорум үлэтин саҕалаата. Быыстапканы кэлэр сыл муус устар 12 күнүгэр диэри көрүөххэ сөп.
Быыстапкалыыр сир уопсай иэнэ 90 тыһыынча кв.м. тахса. Тэрийээччилэр тас дойдулартан уонна Арассыыйаттан 20 мөлүйүөнтэн тахса киһи ыалдьыттыырын күүтэллэр.
Быыстапка аһыллар күнүгэр ВДНХ-ҕа алгыс сиэрэ-туома ыытылынна. Биллэр этно-толорооччу, виртуоз-хомусчут, хабарҕа ырыатын маастара Олена Уутай алгыстаата.
Саха сирин экспозицията «Якутия — вселенная Олоҥхо» диэн ааттаах. Манна ыалдьыттар саха норуотун култууратын, духуобунаһын кытта билсиэхтэрэ.
«Бүгүҥҥүттэн саҕаламмыт «Россия» норуоттар икки ардыларынааҕы быыстапка-пуорум бар дьоҥҥо дойду чаҕылхай ситиһиилэрин, эрэгийиэҥҥэ бастыҥ бырайыактарын билиһиннэриэҕэ. Бу сүрүн сыалынан дойдубутун бары өттүнэн арааһын уонна модунун көрдөрүү буолар. Саха сиригэр уруккуттан илдьэ кэлбит култуурабыт уонна духуобунаспыт аныгы технологиялар, креативнай идиэйэлэр сайдалларыгар тирэҕинэн буолбуттара. Биһиги экспозициябытыттан ыалдьыттар элбэҕи сонуну билиэхтэрэ диэн эрэнэбин», — диэн Ил Дархан Айсен Николаев этэр.
Ил Дархан уонна бырабыыталыстыба дьаһалтатын пресс-сулууспата.
Сообщить об опечатке
Текст, который будет отправлен нашим редакторам: