«Россия» норуоттар икки ардыларынааҕы быыстапка-пуорум иитинэн бастыҥы таларга куоластааһын салҕанар.
Тэрийээччилэр элбэх анал ааты көрөргө этэллэр. Ол курдук ураты истиэндэ, оҕолорго туһалаах диэн, о.д.а. Ону сэргэ, туристическай, социальнай бырайыактарга болҕомтону ууруохха сөп. Саха сирин экспозицията бары 11 номинацияҕа инники күөҥҥэ сылдьар.
Быыстапкаҕа Russia.ru официальнай саайтыгар куоластыахха сөп: «Регионы», «Корпорации» уонна «Органы власти». Саайтка «Голосование» сүрүн сирэйгэ киирэҕит, өрөспүүбүлүкэни каартаҕа талаҕыт, көрбүт номинацияҕытыгар бэлиэ туруораҕыт уонна «Куоластыыбын» диэн кунуопканы баттыыгыт. Бу ссылканан киирэн куоластыахха сөп https://russia.ru/voting/region.
Ону сэргэ, мобильнай сыһыарыынан эмиэ куоластыыгыт «Россия ВДНХ».
Санатан эттэххэ, РФ бэрэсидьиэнэ Владимир Путин Уһук Илин сайдыытын XXI үйэҕэ национальнай приоритетынан быһаарбыта. «Россия» быыстапкаҕа федеральнай уокурук бары эрэгийиэннэрэ бэйэлэрин ситиһиилэрин көрдөрөллөр. «Россия» норуоттар икки ардыларынааҕы быыстапка-пуорум РФ бэрэсидьиэнэ Владимир Путин сорудаҕынан 2023 сыл сэтинньи 4 күнүттэн ыытыллар. Тэрээһиҥҥэ дойду дьоһун, улахан ситһиитин уонна эрэгийиэннэр сайдыыларын бастыҥ уопутун билиһиннэрэллэр.
СӨ Ил Дарханын уонна Бырабыыталыстыбатын пресс-сулууспата
Ил Дархан Айсен Николаев Саҥа дьыл иннинэ видео-сибээс нөҥүө Чурапчыга, Уус Маайаҕа, Өймөкөөҥҥө, Үөһээ Бүлүүгэ,…
Саха Өрөспүүбүлүкэтин баһылыга Айсен Николаев «Саха сирэ – Дьоруойдар дойдулара» каадыр бырагыраамата салҕанан барыаҕын туһунан…
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…