sakha.gov.ru ылылынна
Москваҕа 48 араас дойдуттан сүүстэн тахса бэрэстэбиитэл «Россия» Национальнай пааркаҕа түмүстэ. Манна «Будущее мира. Новая платформа глобального роста» аһаҕас кэпсэтиигэ кытыннылар.
Бу аан бастаан ыытыллар тэрээһин буоларын бэлиэтииллэр. Итиэннэ аан дойду экэниэмикэтин инники кэскилин дьүүллэһэргэ аналлаах былаһаакканы тэрийэр сыаллаах-соруктаах буоларын этэллэр. Онон далааһыннаах тэрээһиҥҥэ муус устар 28-30 күннэригэр киэҥ кэпсэтии ыытылла турар.
Тэрээһиҥҥэ РФ Бэрэсидьиэнин дьаһалтатын салайааччытын солбуйааччы Максим Орешкин кыттыыны ылла.
—Биһиги маннык хабааннаах норуоттар икки ардыларынааҕы аһаҕас тэрээһини аан бастаан ыытабыт. Бары бииргэ саҥа идиэйэлэри дьүүллэһиэхпит, саҥа бырайыактары оҥоруохпут уонна дойдубут сайдарын, дьон-сэргэ олоҕо тупсарын туһугар олоххо киллэрэргэ дьулуһуохпут. Москваҕа кэлбиккитинэн. Бары үтүөнү, кэрэни баҕарабын, — диэтэ Максим Орешкин.
Аһаҕас кэпсэтии иитинэн 102 дойдуттан 18 араас тылынан толоруллубут 696 үлэ киирбит. Ордук улахан интэриэс «Инвестиции в человека» ( (41%), салгыы «Инвестиции в связанность» (24%), «Инвестиции в технологии» (22%) уонна «Инвестиции в среду» (13%) ууруллубут.
—Биһиги чахчы аһаҕас кэпсэтиини саҕалаатыбыт. Ол иитинэн 100 дойдуттан 700 кэриҥэ үлэни туттубут. Дьон-сэргэ бэйэлэрин көрүүлэрин, санааларын, идиэйэлэрин эппиттэр, тугу оҥоруохха, хайдах оҥоруохха диэн быһаарбыттар. Аан дойду иннин диэки сайдан, баран иһэригэр ханнык интэриэһинэй бырайыактары олоххо киллэрэр наадатын эппиттэр, — диэн Максим Орешкин этэр.
200-тэн тахса онлайн-собеседованеҕа кыттыбыт 101 ааптар Москваҕа көрсөн олорон кэпсэтиигэ, кыттыыга ыҥырыллыбыттар. Кинилэри кытта бииргэ кэпсэтиигэ аан дойду таһымнаах 24 эспиэр кыттыыны ылар. Кинилэр ортолоругар учуонайдар, экэнэмиистэр, устудьуоннар, эдэр исписэлиистэр, суруналыыстар, дьыалабыай түмсүүлэр бэрэстэбиитэллэрэ бааллар.
Сиһилии https://www.sakha.gov.ru/news/3642 көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…