«Россия» норуоттар икки ардыларынааҕы быыстапка-пуорум үлэтин саҕалаата

Бүгүн, сэтинньи 4 күнүгэр, Москваҕа «Россия» норуоттар икки ардыларынааҕы быыстапка-пуорум саҕаланна. Быыстапка чэрчитинэн Арассыыйа куукунатын дьиэтин үөрүүлээх аһыллыыта буолла.

ВДНХ-ҕа Арассыыйа куукунатын дьиэтэ дойду үрдүнэн куукуна уобалаһыгар ситиһиилэри түмэр сиринэн буолуоҕа. Онон манна энтузиаст-урбаанньыттары, норуоттар куукуналарын үгэстэрин салҕааччылары, ону өйүүр бэлиитиктэри, урбаанньыттары бэлиэтиэхтэрэ.

Саха сирин гастрономическай бырагырааматын Татьяна Тымырова бэрэссэдээтэллээх «Ассоциация гостеприимства РС(Я)» түмсүү билиһиннэриэҕэ. Манна Саха сирин биллэр ресторатордара, асчыттара «Атласовтар уһаайбаларыттан» Николай, Валерия Атласовтар,»Махтал», «Аврора» рестораннордаах Иннокентий, Нюргустана Лукиннар,»Тыгын Дархан» ресторан шеф-асчыта Семен Тарбахов уонна церемониймейстер Туйаара-Кучу, Александр Григорьевтар кыттыахтара.

Бу тэрээһин дойду бэрэсидьиэнэ Владимир Путин көҕүлээһининэн ыытыллар.