Ростов байыаннай госпиталларыгар Саха сириттэн психологтар биригээдэлэрэ барда

Бу туһунан от ыйын 26 күнүгэр Дьокуускайдааҕы психологическай киин дириэктэрэ Владимир Скрябин иһитиннэрдэ.

«Билигин Дьокуускайдааҕы психологическай киин психологтара –госпиталга сытар байыастары уонна атын даҕаны салаа үлэһиттэрин кытары бииргэ үлэлиир уопуттаах испиэлиистэринэн буоллулар. Мин сэрэтиэхпин баҕарабын, психологтар бары идэтийбит уонна биһиги кииммит үлэһиттэринэн буолбатахтар.

Санатан эттэххэ, идэтийбит психологтар теоретическай билиини олоххо хайдах туһанары билэллэр. Ону таһынан, байыаннайдаргаы, кинилэр ийэлэригэр, кэргэттэригэр, чугас дьонноругар сүбэлэрбит уонна өйүүр бөлөхтөрбүт барыта босхо ыытыллаллар», — диэтэ Владимир Скрябин.

Киин дириэктэрэ этэринэн, ааспыт нэдиэлэ устата байыаннайдартан уонна кинилэр дьиэ кэргэттэрин чилиэннэриттэн киирбит 150 сайабылыанньа көрүлүннэ, 200 биирдиилээн уонна бөлөҕүнэн сүбэ-ама оҥоһулунна.

Көмөнү уонна өйөбүлү маннык нүөмэргэ эрийэн ылыахха сөп, үлэ кэмигэр: 8 (4112) 31-91-09. Бу нүөмэринэн улуустарга баар филиаллар тустарынан билсиэххитин сөп. Күнүстэри-түүннэри үлэлиир көмө лииньийэтэ: 8-800-100-35-50 эбэтэр 122, онтон 6 уонна 2.