Ростов-на-Дону госпиталын кытары Саха сирэ сөбүлэһии түһэристэ
15.03.2023, 14:23
Хаартыска: postpredstvo.sakha.gov.ru
Бөлөххө киир:
Саха сирин биир кэлим координационнай киинэ Оборона министиэристибэтин 1602 нүөмэрдээх байыаннай килиниичэскэй госпиталын кытары, байыаннай дьайыыга сылдьан бааһырбыт байыаннай сулууспалаахтар доруобуйаларын чөлүгэр түһэриигэ, бииргэ үлэлээһиҥҥэ сөбүлэһии түһэристилэр.
Сөбүлэһиигэ Биир кэлим координационнай киин салайааччыта, бастайааннай бэрэстэбиитэл Андрей Федотов уонна 1602 байыаннай килиниичэскэй госпитал начаалынньыга Валерий Кокоев илии баттаатылар.
Сөбүлэһии быһыытынан волонтерскай көмө тэриллиэҕэ, байыаннай сулууспалаахтарга социальнай уонна психологическай көмө оҥоһуллуоҕа. Маны таһынан Биир кэлим координационнай киин култуурунай тэрээһиннэри ыытыыга, госпиталга художественнай киинэлэри көрдөрүүгэ үлэлэһиэҕэ.
Андрей Федотов өрөспүүбүлүкэ Ростов-на-Дону госпиталыгар исписэлиистэр биригээдэлэрин ыытыга бэлэмин эттэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: