Рудникка хайа боруодата сиҥнибитигэр биир киһи эмсэҕэлээбит

Хайа боруодата Өймөкөөн оройуонугар баар рудникка сиҥнибит. Быһылаан түмүгэр биир киһи эмсэҕэлээбит, диэн балаҕан ыйын 4 күнүгэр ЫБММ управлениетын пресс-сулууспатыгар иһитиннэрдилэр.

«ЫБММ сулууспатыгар Өймөкөөн улууһугар баар рудникка хайа боруодата сиҥнибитин, биир киһи эмсэҕэлээбитин туһунан иһитиннэрии киирдэ. Быһылаан буолбут сиригэр ЫБММ байыаннай хайа-быыһыыр этэрээтин отделениета уонна рудник хамаандата кыттыыны ыллаллар», — диэн биэдэмистибэ иһитиннэриитигэр этиллэр.

Министиэристибэ иһитиннэрэринэн, хайа боруодата сиҥниитин кэмигэр шахтаҕа  55 киһи баар эбит, кинилэри шахтаттан таһаараллар. Рудник үлэтэ тохтотулунна.