Хаартыска СӨ Баһылыгын уонна Бырабыыталыстыбатын пресс-сулууспатыттан
Ил Дархан Айсен Николаев Москваҕа оробуочай сырыытын кэмигэр «РусГидро» ААУо генеральнай дириэктэрин бастакы солбуйааччы Роман Бердниковы кытары көрүстэ диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
«Якутскэнерго» ААУо үлэтин-хамнаһын боппуруостарын тула кэпсэттилэр. Айсен Николаев өрөспүүбүлүкэни уотунан уонна сылааһынан эрэллээхтик хааччыйыыга болҕомтотун уурда. Ону сэргэ уот ситимин комплекса эрэллээх буолуутун кытары сибээстээх боппуруостары дьүүллэстилэр.
Дизельнэй энергогенерацияны сөргүтэр источниктары туһаныы боппуруоһа эмиэ таарылынна. Саха сирин уһук сытар нэһилиэнньэлээх пууннарыгар эргэрбит дизельнэй электростанциялар оннуларыгар булкаас энергетическэй комплекстар тэриллэллэр.
Хас биирдии энергокомплекс аныгы дизельнэй электростанция быһыытынан, күн энергиятынан уонна энергияны мунньар систиэмэнэн, биир кэлим автоматизированнай ситиминэн холбоммут электроэнергияны оҥорон таһаарар тиһик буолар. Бу комплекстар уматыгы тиэйиини 30%-гар диэри кэмчилиэхтэрэ диэн Роман Бердников бэлиэтээтэ.
2022-2023 сс. саҥа энергокомплекстар Саха сирин алта нэһилиэгэр киирбиттэрэ. 2024 с. өрөспүүбүлүкэ 10-н тахса бөһүөлэгэр киллэриллэрэ былааннанар.
Оттон сөбүлэһии быһыытынан, дизельнэй генерация 72 эбийиэгин сөргүтэн киллэрэллэрэ сабаҕаланар.
СӨ бырабыыталыстыбатын бэрэссэдээтэлин солбуйааччы Георгий Степанов салайааччылаах отчуоттуур бөлөх Туойдаах нэһилиэгин олохтоохторун иннигэр ааспыт сыллааҕы…
Бүгүн, олунньу 16 күнүттэн, вице-премьер Сергей Местников салайааччылаах СӨ бырабыыталыстыбатын бөлөҕө Ньурба улууһугар үлэлиир. Оробуочай…
Ааспыт өрөбүл күннэргэ Дьокуускай куоракка 11 суол быһылаана тахсан, биир киһи эчэйдэ. Олунньу 14 күнүгэр …
Төрөөбүт тыл уонна сурук-бичик күнүн чэрчитинэн сылын аайы ыытыллар өрөспүүбүлүкэтээҕи "Сахалыы дьыктаан" аахсыйа быйыл 12-с төгүлүн…
Саха сиригэр 38 байыаннай дьайыы инбэлиитэ уонна кини кэргэнэ суоппары бэлэмнээһин бырагырааматыгар үөрэммит ороскуота төлөннө.…
Бүгүн, олунньу 16 күнүгэр, 03.48 ч. "112" суһал нүөмэргэ, Жатай бөһүөлэгин чугаһыгар, арыыга, массыыналаах балыксыттар…