Ааптар хаартыската
Кэнники кэмнэргэ өрөспүүбүлүкэҕэ электроэнергия уотунан хааччыйыыга саахал тахсара элбээбитинэн, бүгүн РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин Уһук Илин федеральнай уокуругун боломуочуйалаах бэрэстэбиитэлэ Юрий Трутнев оробуочай сырыытын чэрчитинэн электроэнергия уотунан хааччыйар бөдөҥ хампаанньалар салайааччылаах мунньаҕа буолан ааста.
«Саха сиригэр электроэнергияны биэриигэ элбэх саахал тахсара буолла. Өрөспүүбүлүкэ кытаанах килиимэттээх сиргэ сытар. Онон электроэнергияҕа саахал тахсара сатаммат. Ол иһин электроэнергиянан хааччыйар «РусГидро» уонна «Россети» хампаанньалар саахал тахсыбатын курдук, эрэллээх бырагырааманы бэлэмнии сылдьалларын туһунан эттилэр. Бырагырааманы түргэнник олоххо киллэрэр эрэллээх буоларын наадатыгар, хампаанньалар салайааччыларын үлэлэрин төлөбүрүгэр төһө көдьүүстээҕинэн коэффициены киллэрэргэ сүбэлэстибит. Ити бырагыраамалар бу сылга саахал тахсарын аҕыйатар уонна көдьүүстээх буолалларын курдук олоххо киириэхтээхтэр», — РФ Бэрэсидьиэнин Уһук Илин федеральнай уокуругун боломуочуйалаах бэрэстэбиитэлэ Юрий Трутнев кэпсээтэ.
Оттон Ил Дархан Айсен Николаев быйылгы тымныы кыһын тахсыбыт саахаллары өрөспүүбүлүкэ олоххо-дьаһахха хаһаайыстыбата сөптөөхтүк дьаһанан толордо диэн бэлиэтээтэ.
«РусГидро» уонна «Россети» хампаанньалар салайааччыларыттан – энергетиктэртэн өрөспүүбүлүкэҕэ уот саахала кыччыырын туһугар саҥа кыахтаах былааннары киллэрэн эрэллэрин туһунан иһиттибит. «Россети» хампаанньа Майа уонна Томмот бөдөҥ ыстаансыйаларыгар саахал аны тахсыбатын курдук, былаан ылынан, өрөмүөннүүргэ үбүлээһини көрдө. Онон ити үлэлэр 2023-2024 сс. ититии биэрии кэмин иннинэ быһаарыллыахтаах», — диэн Айсен Николаев тоһоҕолоон бэлиэтээтэ.
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…