СӨ баһаары утары судаарыстыбаннай сулууспатыгар уопсайа 2 800 кэриҥэ киһи үлэлии сылдьар. Сулууспа тэрилтэлэрэ өрөспүүбүлүкэ бары 34 муниципальнай оройуонугар, 2 куоратын уокуругар бааллар.
Бу эйгэттэн быстах хомуурунан ыҥырыллыбыттарга туох көмө, өйөбүл оҥоһулларын туһунан СӨ баһаары утары судаарыстыбаннай сулууспатын начаалынньыга Руслан Босиков ааҕааччыларга анаан иһитиннэрдэ:
— Быстах хомуур биллэриллибитигэр биһиги тэрилтэбититтэн 28 үлэһит араас улуустартан анал байыаннай эпэрээссийэҕэ кытта барбыттара. Бу дьоммутугар биһиги тэрилтэ биир кэмнээх көмө, личнэй састаап кэлэктиибиттэн эмиэ матырыйаалынай өйөбүл оҥоһуллубута. «Дьиэ кэргэни өйөө – АДПИ-ны туруор» бырайыак чэрчитинэн саллааттарбыт дьиэ кэргэттэрэ олорор дьиэлэригэр баһаары биллэрэр автономнай тэрили (АДПИ) туруоран биэрбиппит. Ону сэргэ кинилэр хаһаайыстыбаларыгар маһы, мууһу, уо.д.а. бэлэмнээн көмөлөһө турабыт.
Саллааттар дьиэ кэргэттэрэ өй-санаа, дууһа туруга чөл, чэгиэн буолууларыгар көмөлөһөн, психологтар кыһаллан үлэлииллэр. Тэрилтэбит салалтата байыаннай сулууспаҕа сылдьар дьоммут дьиэ кэргэттэригэр туох-ханнык көмө оҥоһулларын бэйэтин хонтуруолугар тутан көрө-истэ, өйүү-көмөлөһө олорор. РФ Үлэҕэ кодексатыгар сөп түбэһиннэрэн, үлэ миэстэтэ быстах хомуурунан ыҥырыллан барбыт үлэһиттэрбитигэр оннунан хаалларылынна диэн бэлиэтээн этэбин.
СӨ баһаары утары судаарыстыбаннай сулууспатын үлэһиттэрэ #БарыБииргэ Бүтүн Арассыыйатааҕы аахсыйаҕа көхтөөхтүк кыттыбыттара. Байыаннайдарга көмөлөһүүгэ анаан тактическай үрүсээктэр кэмпилиэктэрин гуманитарнай көмөнү тутар пууҥҥа туттарбыппыт.
Дьоммут этэҥҥэ эргиллэн кэлэллэрин күүтэбит, кинилэрдиин өрүү бииргэбит!
Ханна баҕарар түмсүү элбэҕи быһаарар. Ону билэр буоланнар, дүпсүннэр (баһылык Сивцев Николай Николаевич) нэһилиэктэрин иһигэр…
Уус Алдан улууһугар Найахыга "Саллаат аартыга" ытык миэстэ СӨ Ил Дархан гранын өйөбүлүнэн саҥардылынна. Бу …
Ыам ыйыгар төрөөбүттэр. Бэлиэлэрэ - чаҕылҕан. Эр киһи Дуоспуруннаах, туохха барытыгар дьоҕурдаах, дириҥ өйдөөх, үтүө…
Владивостокка "Это у нас семейное" күөн күрэс уокуруктааҕы полуфинала саҕаланна. Манна Уһук Илин уокуругуттан дьиэ…
Өрүс барар кэмигэр айан-сырыы кутталланар. Дьиҥэ, кыра кыһалҕалаах киһи айаннаабата да ордук буолуоҕа. Ол эрээри…
Успуорка сыһыаннааҕы төһө сэргиигин? Маны билэҕин дуо? Сахалыы оонньуу, дьарык арааһын Үөһээ Дьааҥыга 1867-1876 сс.…